1Pétur og Jóhannes gengu upp í helgidóminn til síðdegisbæna.2Þá var þangað borinn maður, lami frá móðurlífi, er dag hvern var settur við þær dyr helgidómsins, sem nefndar eru Fögrudyr, til að beiðast ölmusu hjá þeim, er inn gengu í helgidóminn.3Er hann sá þá Pétur og Jóhannes á leið inn í helgidóminn, baðst hann ölmusu.4Þeir horfðu fast á hann, og Pétur sagði: Lít þú á okkur.5Hann starði á þá í von um að fá eitthvað hjá þeim.6Pétur sagði: Silfur og gull á ég ekki, en það sem ég hef, það gef ég þér: Í nafni Jesú Krists frá Nasaret, statt upp og gakk!7Og hann tók í hægri hönd honum og reisti hann upp. Jafnskjótt urðu fætur hans og ökklar styrkir,8hann spratt upp, stóð í fætur og tók að ganga. Hann fór inn með þeim í helgidóminn, gekk um og stökk og lofaði Guð.9Allt fólkið sá hann ganga um og lofa Guð.10Þeir þekktu, að hann var sá er hafði setið fyrir Fögrudyrum helgidómsins til að beiðast ölmusu. Urðu þeir furðu lostnir og frá sér numdir af því, sem fram við hann hafði komið.11Hann hélt sér að Pétri og Jóhannesi, og þá flykktist allt fólkið furðu lostið til þeirra í súlnagöngin, sem kennd eru við Salómon.12Þegar Pétur sá það, ávarpaði hann fólkið: Ísraelsmenn, hví furðar yður á þessu eða hví starið þér á okkur, eins og við hefðum af eigin mætti eða guðrækni komið því til leiðar, að þessi maður gengur?13Guð Abrahams, Ísaks og Jakobs, Guð feðra vorra hefur dýrlegan gjört þjón sinn, Jesú, sem þér framselduð og afneituðuð frammi fyrir Pílatusi, er hann hafði ályktað að láta hann lausan.14Þér afneituðuð hinum heilaga og réttláta, en beiddust að manndrápari yrði gefinn yður.15Þér líflétuð höfðingja lífsins, en Guð uppvakti hann frá dauðum, og að því erum vér vottar.16Trúin á nafn Jesú gjörði þennan mann, sem þér sjáið og þekkið, styrkan. Nafnið hans og trúin, sem hann gefur, veitti honum þennan albata fyrir augum yðar allra.17Nú veit ég, bræður, að þér gjörðuð það af vanþekkingu, sem og höfðingjar yðar.18En Guð lét þannig rætast það, sem hann hafði boðað fyrirfram fyrir munn allra spámannanna, að Kristur hans skyldi líða.19Gjörið því iðrun og snúið yður, að syndir yðar verði afmáðar.20Þá munu koma endurlífgunartímar frá augliti Drottins, og hann mun senda Krist, sem yður er fyrirhugaður, sem er Jesús.21Hann á að vera í himninum allt til þess tíma, þegar Guð endurreisir alla hluti, eins og hann hefur sagt fyrir munn sinna heilögu spámanna frá alda öðli.22Móse sagði: Spámann mun Drottinn, Guð yðar, uppvekja yður af bræðrum yðar eins og mig. Á hann skuluð þér hlýða í öllu, er hann talar til yðar.23Og sérhver sá, sem hlýðir ekki á þennan spámann, skal upprættur verða úr lýðnum.24Allir spámennirnir, Samúel og þeir sem á eftir komu, allir þeir sem talað hafa, boðuðu og þessa daga.25Þér eruð börn spámannanna og eigið hlut í sáttmálanum, sem Guð gjörði við feður yðar, er hann sagði við Abraham: Af þínu afkvæmi skulu allar ættkvíslir jarðarinnar blessun hljóta.26Guð hefur reist upp þjón sinn og sent hann yður fyrst til að blessa yður og snúa hverjum yðar frá vondri breytni sinni.

3.1 Pétur og Jóhannes Post 1.13; 3.11; 4.7,13; 8.14 – síðdegisbænir Post 10.3,9,30
3.2 Frá móðurlífi Jóh 9.1; Post 14.8
3.6 Í nafni Jesú Krists Post 3.16; 4.10; 16.18
3.8 Gekk um og stökk Post 14.10 – lofa Guð Lúk 18.43; Post 2.47; 10.46; 11.18; 13.48; 21.20; sbr 12.23
3.10 Könnuðust við Jóh 9.8 – furðu lostnir Lúk 5.36; 7.16; Post 2.12; 8.13; 14.11; 28.6
3.11 Súlnagöng Salómons Jóh 10.23; Post 5.12
3.13 Guð Abrahams 2Mós 3.6; Matt 22.32; Mrk 12.26; Post 7.32 – gert þjón sinn dýrlegan Jes 52.13; Jóh 13.32; sbr Post 3.26; 4.27,30 – vildi láta lausan Lúk 23.14-23; Jóh 18.38-40; 19.12-15
3.14 Hinn heilagi Post 2.27; 13.35 – hinn réttláti Post 7.52; 22.14 – beiddust manndrápara Matt 27.20-21; Mrk 15.7,11,12
3.15 Þið líflétuð … Guð uppvakti Post 4.10; 5.30 – vottar Post 1.8+
3.16 Trúin Mrk 2.5; Lúk 17.6; sbr Post 3.5; 1Kor 12.9; 13.2 – nafn hans Post 2.21,38; 3.6; 4.7,10,12,30; 5.41; 9.14,21; 21.13; 22.16; Fil 2.9-10
3.17 Af vanþekkingu Lúk 23.34; Post 13.27; 17.30; 2Kor 3.14-16; 1Tím 1.13
3.18 Boðað fyrirfram Lúk 24.27,44,46 – lét rætast Post 1.16; 2.16-21,33; 3.20-21; 4.25-28; 13.23,27-29,32-37; 15.14-19; sbr 1Kor 15.3-4
3.19 Takið sinnaskiptum Matt 3.2+ ; Post 2.38; 17.30 – sinnaskipti og fyrirgefning syndanna Post 2.38; 5.31
3.21 Ákvörðun Guðs Lúk 2.49; 4.43; 9.22; Post 1.16,21; 2.23; 4.12; 5.29; 9.16; 14.22; 19.21; 20.35; 23.11; 27.24 – endurreisnartími Matt 17.11; Post 1.6; 2Pét 3.13; Opb 21.1-5
3.22 Sbr 5Mós 18.15,18; Post 7.37 – spámaður eins og Móse Matt 21.11+
3.23 Sbr 5Mós 18.19; 3Mós 23.29
3.25 Fyrirheit Guðs 1Mós 22.18; 26.4; 1Mós 12.3; 18.18; Gal 3.8
3.26 Fyrst til ykkar Post 2.39; 13.46; Róm 1.16