1Og Jónas bað til Drottins Guðs síns í kviði fisksins2og sagði: Ég kallaði til Drottins í neyð minni, og hann svaraði mér. Frá skauti Heljar hrópaði ég, og þú heyrðir raust mína.3Þú varpaðir mér í djúpið, út í mitt hafið, svo að straumurinn umkringdi mig. Allir boðar þínir og bylgjur gengu yfir mig.4Ég hugsaði: Ég er burt rekinn frá augum þínum. Mun ég nokkurn tíma framar líta þitt heilaga musteri?5Vötnin luktu um mig og ætluðu að sálga mér, hyldýpið umkringdi mig, höfði mínu var faldað með marhálmi.6Ég steig niður að grundvöllum fjallanna, slagbrandar jarðarinnar voru lokaðir á eftir mér að eilífu. Þá færðir þú líf mitt upp úr gröfinni, Drottinn, Guð minn!7Þegar sál mín örmagnaðist í mér, þá minntist ég Drottins, og bæn mín kom til þín, í þitt heilaga musteri.8Þeir sem dýrka fánýt falsgoð, þeir hafna hjálpræði sínu.9En ég vil færa þér fórnir með lofgjörðarsöng. Ég vil greiða það er ég hefi heitið. Hjálpin kemur frá Drottni.10En Drottinn bauð fiskinum að spúa Jónasi upp á þurrt land.

2.1 Þrír dagar og þrjár nætur Matt 12.40
2.3 Í neyð minni Slm 18.7; 120.1; 130.1; Hlj 3.55-57 – djúp Heljar 1Mós 37.35; 42.38
2.4 Bylgjur og boðaföll Slm 42.8
2.5 Augu Guðs Jer 32.19; Slm 31.23; 32.8; 34.16; 123.1; sbr Esk 5.11 – þitt heilaga musteri Mík 1.2; Slm 5.8; 11.4
2.6 Vötnin Slm 69.3; sbr 116.3
2.7 Bjarga frá gröfinni Slm 16.10; 30.4; 103.4; 107.20; Job 33.18
2.8 Að dauða komin Slm 142.4; 143.4 – heilagt musteri Jón 2.5
2.9 Fánýtir hjáguðir Jes 31.7
2.10 Heit mín Slm 22.26 – hjálp hjá Drottni Slm 3.9
2.11 Á þurrt land Jón 1.9,13