1Verðið því eftirbreytendur Guðs, svo sem elskuð börn hans.2Lifið í kærleika, eins og Kristur elskaði oss og lagði sjálfan sig í sölurnar fyrir oss svo sem fórnargjöf, Guði til þægilegs ilms.3En frillulífi og óhreinleiki yfirleitt eða ágirnd á ekki einu sinni að nefnast á nafn meðal yðar. Svo hæfir heilögum.4Ekki heldur svívirðilegt hjal eða ósæmandi spé. Þess í stað komi miklu fremur þakkargjörð.5Því að það skuluð þér vita og festa yður í minni, að enginn frillulífismaður eða saurugur eða ágjarn, sem er sama og að dýrka hjáguði, á sér arfsvon í ríki Krists og Guðs.6Enginn tæli yður með marklausum orðum, því að vegna þessa kemur reiði Guðs yfir þá, sem hlýða honum ekki.7Verðið þess vegna ekki lagsmenn þeirra.8Eitt sinn voruð þér myrkur, en nú eruð þér ljós í Drottni. Hegðið yður eins og börn ljóssins.9Því að ávöxtur ljóssins er einskær góðvild, réttlæti og sannleikur.10Metið rétt, hvað Drottni þóknast.11Eigið engan hlut í verkum myrkursins, sem ekkert gott hlýst af, heldur flettið miklu fremur ofan af þeim.12Því að það, sem slíkir menn fremja í leyndum, er jafnvel svívirðilegt um að tala.13En allt það, sem ljósið flettir ofan af, verður augljóst. Því að allt, sem er augljóst, er ljós.14Því segir svo: Vakna þú, sem sefur, og rís upp frá dauðum, og þá mun Kristur lýsa þér.15Hafið því nákvæma gát á, hvernig þér breytið, ekki sem fávísir, heldur sem vísir.16Notið hverja stund, því að dagarnir eru vondir.17Verið því ekki óskynsamir, heldur reynið að skilja, hver sé vilji Drottins.18Drekkið yður ekki drukkna af víni, það leiðir aðeins til spillingar. Fyllist heldur andanum,19og ávarpið hver annan með sálmum, lofsöngum og andlegum ljóðum. Syngið og leikið fyrir Drottin í hjörtum yðar,20og þakkið jafnan Guði, föðurnum, fyrir alla hluti í nafni Drottins vors Jesú Krists.21Verið hver öðrum undirgefnir í ótta Krists:22Konurnar eiginmönnum sínum eins og það væri Drottinn.23Því að maðurinn er höfuð konunnar, eins og Kristur er höfuð kirkjunnar, hann er frelsari líkama síns.24En eins og kirkjan er undirgefin Kristi, þannig séu og konurnar mönnum sínum undirgefnar í öllu.25Þér menn, elskið konur yðar eins og Kristur elskaði kirkjuna og lagði sjálfan sig í sölurnar fyrir hana,26til þess að helga hana og hreinsa í laug vatnsins með orði.27Hann vildi leiða hana fram fyrir sig í dýrð án þess hún hefði blett eða hrukku né neitt þess háttar. Heilög skyldi hún og lýtalaus.28Þannig skulu eiginmennirnir elska konur sínar eins og eigin líkami. Sá, sem elskar konu sína, elskar sjálfan sig.29Enginn hefur nokkru sinni hatað eigið hold, heldur elur hann það og annast, eins og Kristur kirkjuna,30því vér erum limir á líkama hans.31Þess vegna skal maður yfirgefa föður og móður og búa við eiginkonu sína, og munu þau tvö verða einn maður.32Þetta er mikill leyndardómur. Ég hef í huga Krist og kirkjuna.33En sem sagt, þér skuluð hver og einn elska eiginkonu sína eins og sjálfan sig, en konan beri lotningu fyrir manni sínum.

5.1 Eftirbreytendur 1Kor 11.1; 1Þess 1.6-7 – Guðs 3Mós 19.2; 1Pét 1.16; Matt 5.48
5.2 Fórnargjöf … til þægilegs ilms 2Mós 29.18-; Slm 40.7 – eins og Kristur elskaði Jóh 13.34; 15.12; Róm 14.15; 1Jóh 3.16 – lagði sig í sölurnar fyrir oss 2Kor 5.14-15; Gal 2.20; Ef 5.25 – fórn Guði til þægilegs ilms Esk 20.41; Fil 4.18; Heb 10.10
5.3-5 Ósæmandi hegðun 1Kor 6.9-10; Ef 2.1-2; 4.19-31; Kól 3.5,8
5.4 Þakkargjörð Kól 1.3; 3.15
5.6 Enginn leiði yður afvega Ef 4.14; Kól 2.4,8
5.8 Eitt sinn … nú Ef 2.11,13 – ljós og myrkur Jóh 8.12; Kól 1.13; 1Þess 5.4-8; Jak 1.17-18; 1Pét 2.9; 1Jóh 1.5-7 – börn ljóssins Lúk 16.8; Jóh 12.36; 1Þess 5.5
5.9 Ávöxtur Matt 3.8+
5.10 Metið rétt Ef 5.17; Róm 12.2
5.11-13 Barátta ljóss og myrkurs Jes 60.1; Jóh 1.5; 3.20-21
5.14 Vakna Jes 26.19; 51.17; 52.1; Jóh 5.25; Róm 13.11; 2Kor 3.18 – ljós Krists Heb 6.4; 10.32; 1Pét 2.9
5.15-16 Vís Ef 1.8+ – vondir dagar 1Kor 7.26,31
5.19-20 Lofsyngið og þakkið Slm 33.2-3; Kól 1.3+
5.21 Sýna lotningu 1Pét 5.5
5.22-33 Skyldur hjóna Kól 3.18-19+
5.23 Kirkjan líkami Krists Ef 4.15-16+
5.25 Kristur brúðgumi kirkjunnar 2Kor 11.2; Opb 19.7; sbr Hós 1-3 – lagði sig í sölurnar Ef 5.2+
5.26 Hreinsun með vatni Esk 36.25; Tít 3.5; Heb 10.22 – helga með orði Jóh 15.3 – Kristur helgar Jóh 17.19; 1Kor 6.11; 7.14; Heb 10.10,14; 13.12
5.27 Kirkjan leidd fyrir Krist 2Kor 11.2 – lýtalaus Ef 1.4
5.28 Eins og sjálfa sig 1Kor 7.14
5.30 Limir á líkama Krists Róm 12.5; 1Kor 6.15; 12.27
5.31 Þess vegna skal maður … 1Mós 2.24; Matt 19.5; Mrk 10.7-8; 1Kor 6.16
5.32 Leyndardómur Ef 3.3+ – Kristur og kirkjan Ef 5.23,25+