1Að liðnum hvíldardegi, þegar lýsti af fyrsta degi vikunnar, komu þær María Magdalena og María hin til að líta á gröfina.2Þá varð landskjálfti mikill, því engill Drottins sté niður af himni, kom og velti steininum og settist á hann.3Hann var sem elding ásýndum og klæðin hvít sem snjór.4Varðmennirnir skulfu af hræðslu við hann og urðu sem örendir.5En engillinn mælti við konurnar: Þér skuluð eigi óttast. Ég veit, að þér leitið að Jesú hinum krossfesta.6Hann er ekki hér. Hann er upp risinn, eins og hann sagði. Komið og sjáið staðinn, þar sem hann lá.7Farið í skyndi og segið lærisveinum hans: Hann er upp risinn frá dauðum, sjá hann fer á undan yður til Galíleu. Þar munuð þér sjá hann. Þetta hef ég sagt yður.8Og þær fóru í skyndi frá gröfinni, með ótta og mikilli gleði, og hlupu að flytja lærisveinum hans boðin.9Og sjá, Jesús kemur á móti þeim og segir: Heilar þið! En þær komu, féllu fram fyrir honum og föðmuðu fætur hans.10Þá segir Jesús við þær: Óttist ekki, farið og segið bræðrum mínum að halda til Galíleu. Þar munu þeir sjá mig.11Meðan þær voru á leiðinni komu nokkrir varðmenn til borgarinnar og sögðu æðstu prestunum allt, sem gjörst hafði.12En þeir kvöddu saman öldungana og tóku það ráð með þeim að bera mikið fé á hermennina og mæltu við þá:13Segið þetta: Lærisveinar hans komu á næturþeli, meðan vér sváfum, og stálu honum.14Og ef þetta berst landshöfðingjanum til eyrna, skulum vér sefa hann, svo að þér getið verið áhyggjulausir.15Þeir tóku við fénu og gjörðu sem þeim var sagt. Þessi sögusögn hefur verið borin út meðal Gyðinga allt til þessa dags.16En lærisveinarnir ellefu fóru til Galíleu, til fjallsins, sem Jesús hafði stefnt þeim til.17Þar sáu þeir hann og veittu honum lotningu. En sumir voru í vafa.18Og Jesús gekk til þeirra, talaði við þá og sagði: Allt vald er mér gefið á himni og jörðu.19Farið því og gjörið allar þjóðir að lærisveinum, skírið þá í nafni föður, sonar og heilags anda,20og kennið þeim að halda allt það, sem ég hef boðið yður. Sjá, ég er með yður alla daga allt til enda veraldar.

28.1-10 Hlst. Mrk 16.1-8; Lúk 24.1-12; Jóh 20.1-10
28.1 María Magdalena Matt 27.56+ – María hin Matt 27.61+
28.2 Landskjálfti 2Mós 19.18; Slm 114.7; Heb 12.26 – engill Drottins Matt 1.20+
28.3 Hvítur Matt 17.2 og hlst.; Post 1.10
28.5 Eigi óttast 1Mós 15.1; 26.24; Jes 41.10; Jer 30.10; Matt 14.27 og hlst.; 28.20; Mrk 5.36; Jóh 6.20; Opb 1.17
28.6 Upprisinn Matt 16.21 og hlst.; 17.23 og hlst.; 20.19 og hlst.; Lúk 24.7; Post 2.24; 4.10; 1Kor 15.4,12 o.fl.
28.7 Til Galíleu Matt 26.32; Mrk 14.28 – þið munuð sjá hann Matt 28.10,17; Jóh 21.1-23
28.8 Flytja boðin sbr Mrk 16.8
28.9 Föðmuðu fætur hans 2Kon 4.27 – féllu fram fyrir honum Matt 2.2,8,11; 8.2; 14.33; 15.25; 28.17
28.10 Bræður mínir Jóh 20.17
28.16-20 Hlst. Mrk 16.14-18; Lúk 24.36-49; Jóh 20.19-23; Post 1.6-8
28.12 Ráðagjörð gegn Jesú Matt 12.14+
28.13 Stálu honum Matt 27.64
28.16 Galílea Matt 26.32; 28.7,10
28.17 Sumir í vafa Mrk 16.11,13-14; Lúk 24.11,37-44; Jóh 20.25-27
28.18 Allt vald Dan 7.14; Matt 11.27; Jóh 3.35; 13.3; 17.2; Róm 1.4; Ef 1.20-22; Fil 2.5-11; 1Tím 3.16; sbr Matt 4.9-10
28.19 Farið Matt 2.8; 9.13; 10.6; 11.4; 27.66; 28.7 – allar þjóðir Jes 42.6; 49.6; Matt 24.9,14; 25.32; Post 1.8; sbr 10.5-6,23; 15.24 – skíra Mrk 16.16; Post 2.38; 8.12,38; 9.18; 10.48; 11.16; 16.15,33; 18.8; 19.5; 22.16; Róm 6.3; 1Kor 1.13-17; 12.13; Gal 3.27; Ef 4.5; Kól 2.12; 1Pét 3.21; sbr Mrk 10.38-39; Lúk 12.50; Matt 3.6+ – í nafni 1Kor 1.13; 10.2 – föður, sonar og heilags anda 1Kor 12.3-5; 2Kor 13.13
28.20 Með yður 2Mós 3.12; Jes 41.10; 43.5; Jer 1.8; Hag 1.13; Matt 1.23; Jóh 14.16,23; 16.7-11 – endir veraldar Matt 13.39+