1Ég vil syngja um miskunn og rétt, lofsyngja þér, Drottinn.2Ég vil gefa gætur að vegi hins ráðvanda hvenær kemur þú til mín? Í grandvarleik hjartans vil ég ganga um í húsi mínu.3Ég læt mér eigi til hugar koma neitt níðingsverk. Ég hata þá sem illa breyta, þeir fá engin mök við mig að eiga.4Rangsnúið hjarta skal frá mér víkja, ég kannast eigi við hinn vonda.5Rægi einhver náunga sinn í leyni, þagga ég niður í honum. Hver sem er hrokafullur og drembilátur í hjarta, hann fæ ég ekki þolað.6Augu mín horfa á hina trúföstu í landinu, að þeir megi búa hjá mér. Sá sem gengur grandvarleikans vegu, hann skal þjóna mér.7Enginn má dvelja í húsi mínu, er svik fremur. Sá er lygar mælir stenst eigi fyrir augum mínum.8Á hverjum morgni þagga ég niður í öllum óguðlegum í landinu. Ég útrými úr borg Drottins öllum illgjörðamönnum.

101.1 Náð og réttur Mík 6.8 – lofsyngja þér Slm 147.7
101.2 Hinn ráðvandi Slm 101.6; 119.1; Okv 11.20 í húsi mínu 1Tím 3.4 – í grandvarleik hjartans Slm 78.72; 1Kon 9.4
101.3 Ekki illvirki Jes 33.15 – ég hata Okv 8.13; Júd 23
101.4 Svikult hjarta Okv 11.20
101.5 Rógburður 3Mós 19.16; sbr Slm 50.20 – hroki Slm 18.28; 131.1; Jes 2.11; Okv 21.4
101.6 Veg hins ráðvanda Slm 15.2
101.7 Er svik fremur Slm 26.4-5; 52.4
101.8 Óguðlegum eytt 3Mós 20.6; Jes 52.1; Opb 21.27