Sálmarnir 108. kafli2018-01-04T21:01:46+00:00
Sálmarnir 108. kafli

Ljóð. Davíðssálmur.
2Hjarta mitt er stöðugt, ó Guð, ég vil syngja og leika, vakna þú, sála mín!3Vakna þú, harpa og gígja, ég vil vekja morgunroðann.4Ég vil lofa þig meðal lýðanna, Drottinn, vegsama þig meðal þjóðanna,5því að miskunn þín er himnum hærri, og trúfesti þín nær til skýjanna.6Sýn þig himnum hærri, ó Guð, og dýrð þín breiðist yfir gjörvalla jörðina,7til þess að ástvinir þínir megi frelsast. Hjálpa þú með hægri hendi þinni og bænheyr mig.8Guð hefir sagt í helgidómi sínum: Ég vil fagna, ég vil skipta Síkem, mæla út Súkkót-dal.9Ég á Gíleað, ég á Manasse, og Efraím er hlíf höfði mínu, Júda veldissproti minn.10Móab er mundlaug mín, í Edóm fleygi ég skónum mínum, yfir Filisteu fagna ég.11Hver vill fara með mig í örugga borg, hver vill flytja mig til Edóm?12Þú hefir útskúfað oss, ó Guð, og þú, Guð, fer eigi út með hersveitum vorum.13Veit oss lið gegn fjandmönnunum, því að mannahjálp er ónýt.14Með Guðs hjálp munum vér hreystiverk vinna, og hann mun troða óvini vora fótum.

108.3 Vekja morgunroðann Slm 119.62
108.4 Meðal lýðanna Slm 18.50
108.5 Til skýjanna Slm 36.6; 103.11 – miskunn og trúfesti Slm 25.10+
108.6 Hátt yfir himininn Slm 8.2; 113.4; sbr Jes 2.11
108.7 Með hægri hendi Slm 60.7+ – bænheyr oss Slm 20.7
108.9 Veldissproti minn sbr 1Mós 49.10
108.12 Eigi með hersveitum vorum Slm 44.10
108.13 Veit oss lið 2Kro 14.10; sbr Slm 22.20+ – hjálp manna Slm 56.5; sbr 33.16+ ; 118.8
108.14 Með Guðs hjálp … Slm 18.30; 44.6-9; Heb 11.33 – óvinir troðnir fótum Slm 44.6; sbr Róm 16.20
Hægt er að nálgast texta þessa kafla í öðrum íslenskum þýðingum með því að smella á nafn þýðingarinnar hér fyrir neðan. Þýðingin opnast í nýjum glugga.