1En tala þú það, sem sæmir hinni heilnæmu kenningu.2Aldraðir menn skulu vera bindindissamir, heiðvirðir, hóglátir, heilbrigðir í trúnni, kærleikanum og þolgæðinu.3Svo eiga og aldraðar konur að vera í háttalagi sínu eins og heilögum sæmir. Þær skulu ekki vera rógberar og ekki heldur í ánauð ofdrykkjunnar, heldur kenni þær gott frá sér,4til þess að þær laði hinar ungu til að elska menn sína og börn,5vera hóglátar, skírlífar, heimilisræknar, góðlátar og eiginmönnum sínum undirgefnar, til þess að orði Guðs verði ekki lastmælt.6Svo skalt þú og áminna hina yngri menn að vera hóglátir.7Sýn þig sjálfan í öllum greinum sem fyrirmynd í góðum verkum. Vertu grandvar í fræðslu þinni og heilhuga, svo hún verði8heilnæm og óaðfinnanleg og andstæðingurinn fyrirverði sig, þegar hann hefur ekkert illt um oss að segja.9Áminn þræla, að þeir séu undirgefnir húsbændum sínum og í öllu geðþekkir, ekki svörulir,10ekki hnuplsamir, heldur skulu þeir auðsýna hvers konar góða trúmennsku, til þess að þeir prýði kenningu Guðs frelsara vors í öllum greinum.11Því að náð Guðs hefur opinberast til sáluhjálpar öllum mönnum.12Hún kennir oss að afneita óguðleik og veraldlegum girndum og lifa hóglátlega, réttvíslega og guðrækilega í heimi þessum,13í eftirvæntingu vorrar sælu vonar, að hinn mikli Guð og frelsari vor Jesús Kristur opinberist í dýrð sinni.14Hann gaf sjálfan sig fyrir oss, til þess að hann leysti oss frá öllu ranglæti og hreinsaði sjálfum sér til handa eignarlýð, kostgæfinn til góðra verka.15Tala þú þetta og áminn og vanda um með allri röggsemi. Lát engan lítilsvirða þig.

2.1 Kristin boðun 2Tím 1.13 – sem sæmir hinni heilmænu kenningu 1Tím 1.10+
2.2 Trú, kærleikur, þolgæði 2Þess 1.3-4; 1Tím 6.11; sbr 1Kor 13.13+
2.3 Hin heilögu Róm 1.7 – Ekki rógberar 1Tím 3.11
2.5 Heimilisræknar sbr Post 11.14; 16.15,31; 18.8; 1Kor 1.16 – undirgefnar eiginmönnum Ef 5.22
2.7 Fyrirmynd 1Tím 4.12; 1Pét 5.3
2.8 Ekkert illt að segja 1Pét 2.15
2.9 Um þræla Ef 6.5; Kól 3.22; 1Tím 6.1; 1Pét 2.18
2.10 Guð frelsari vor 1Tím 1.1+
2.12 Afneita veraldlegum girndum 1Jóh 2.16 – hóglátlega, réttvíslega og guðrækilega sbr Ef 1.4
2.13 Opinberaðist í dýrð 1Kor 1.7; Fil 3.20; 1Tím 6.14+
2.14 Kristur gaf sjálfan sig 1Tím 2.6+ – til að leysa Slm 130.8 – eignarlýður 2Mós 19.5; 5Mós 4.20; 7.6; 14.2; Esk 37.23; 1Pét 2.9 – kostgæfinn til góðra verka Ef 2.10; 1Pét 3.13
2.15 Lát engan lítilsvirða þig 1Tím 4.12