1Heyrið þetta orð, sem Drottinn hefir talað gegn yður, þér Ísraelsmenn, gegn öllum þeim kynstofni, sem ég leiddi út af Egyptalandi, svolátandi:2Yður eina læt ég mér annt um fremur öllum kynstofnum jarðarinnar. Þess vegna hegni ég yður fyrir allar misgjörðir yðar.3Mega tveir menn verða samferða, nema þeir mæli sér mót?4Mun ljónið öskra í skóginum, ef það hefir enga bráð? Mun ljónshvolpurinn láta til sín heyra í bæli sínu, ef hann hefir engu náð?5Getur fuglinn komið í gildruna á jörðinni, ef engin snara er þar fyrir hann? Hrökkur gildran upp af jörðinni, nema eitthvað hafi í hana fengist?6Verður lúðurinn svo þeyttur innan borgar, að fólkið flykkist ekki saman í angist? Vill nokkur ógæfa svo til í borginni, að Drottinn sé ekki valdur að henni?7Nei, Drottinn Guð gjörir ekkert án þess að hann hafi opinberað þjónum sínum, spámönnunum, ráðsályktun sína.8Hafi ljónið öskrað, hver skyldi þá ekki óttast? Hafi Drottinn Guð talað, hver skyldi þá ekki spá?9Kallið út yfir hallirnar í Asdód og hallirnar í Egyptalandi og segið: Safnist saman upp á Samaríufjöll og lítið á hina miklu ókyrrð í borginni og ofbeldisverkin inni í henni.10Þeir kunna ekki rétt að gjöra segir Drottinn, þeir sem hrúga upp ofríki og kúgun í höllum sínum.11Fyrir því segir Drottinn Guð svo: Fjandmenn munu umkringja landið á alla vegu og rífa niður virki þín, og hallir þínar munu rændar verða.12Svo segir Drottinn: Eins og hirðirinn bjargar tveimur fótum eða snepli af eyra úr gini ljónsins, svo skulu Ísraelsmenn bjargast, þeir er sitja í Samaríu í legubekkjarhorni og á hvílbeðjarhægindum.13Heyrið og verið vottar að þessu gegn Jakobs húsi, segir Drottinn alvaldur, Guð allsherjar:14Þann dag, er ég hegni Ísraelsmönnum fyrir glæpi þeirra, vil ég láta hegninguna koma niður á ölturunum í Betel, til þess að altarishornin verði afhöggin og falli til jarðar.15Þá vil ég brjóta niður vetrarhallirnar ásamt sumarhöllunum, og fílabeinshallirnar skulu farast og mörg hús eyðileggjast, segir Drottinn.

3.1 Út af Egyptalandi Am 2.10+
3.2 Aðeins valið yður (áta sér annt um, þekkja, kenna e-s) 1Mós 4.1; Lúk 1.34; Jes 63.16; Jóh 10.4,14 – Guð útvelur 2Mós 19.5-6; 5Mós 7.6-8; Róm 8.29; sbr 1Mós 18.19; 2Mós 3.7; 4.22; Jes 5.1-7; Jer 2.2-3; Esk 16.6; Hós 11.1; 13.4 – Kalla til ábyrgðar sbr Matt 11.20-24; Lúk 12.47-48
3.7 Fyrirætlunun Guðs Jer 23.18; Job 15.8 – opinbera þjónum sínum Jer 23.22; sbr Jóh 17.8; Róm 16.25-26; Ef 3.3-13
3.8 Öskur Am 1.2+ – hver spáir ekki? Jer 20.9; 1Kor 9.16
3.9 Vitni kölluð til Jes 5.3-4; 45.20-21; Sef 3.8; sbr Hós 2.2+ – Samaría Am 3.12; 4.1; 6.1; 8.14
3.10 Ofbeldi og yfirgangur Jer 6.7; 20.8; Esk 45.9; Hab 1.3; sbr Jes 5.8-10; Matt 23.25
3.12 Tveir leggir, snepla af eyra sbr 2Mós 22.13
3.14 Ölturu eyðilögð 1Kon 13.1-5; 2Kon 23.15-16 – altarishornin 2Mós 27.1-2; 3Mós 4.30; 16.18; 1Kon 1.50; 2.28; Esk 43.15
3.15 Hús Am 5.11; 6.11 – fílabeinshús 1Kon 22.39; sbr Am 6.4