1Drottinn talaði við Móse og sagði:2Tala þú til alls safnaðar Ísraelsmanna og seg við þá: Þér skuluð vera heilagir, því að ég, Drottinn, Guð yðar, er heilagur.3Sérhver óttist móður sína og föður sinn og haldi hvíldardaga mína. Ég er Drottinn, Guð yðar.4Snúið yður eigi til falsguða og gjörið yður eigi steypta guði. Ég er Drottinn, Guð yðar.5Er þér slátrið heillafórn Drottni til handa, þá slátrið henni þannig, að hún afli yður velþóknunar.6Skal eta hana daginn, sem þér fórnið henni, og daginn eftir, en það, sem leift er til þriðja dags, skal brenna í eldi.7En sé þó etið af því á þriðja degi, þá skal það talið skemmt kjöt. Það mun eigi verða velþóknanlegt.8Og hver, sem etur það, bakar sér sekt, því að hann hefir vanhelgað það sem helgað er Drottni, og sá maður skal upprættur verða úr þjóð sinni.9Er þér skerið upp jarðargróður yðar, þá skalt þú eigi skera akur þinn út í hvert horn, né heldur skalt þú tína eftirtíning uppskeru þinnar.10Og eigi skalt þú gjörtína víngarð þinn, né heldur tína upp niður fallin ber í víngarði þínum. Þú skalt skilja það eftir handa fátækum og útlendingum. Ég er Drottinn, Guð yðar.11Þér skuluð eigi stela, eigi svíkja, né heldur ljúga hver að öðrum.12Þér skuluð eigi sverja ranglega við nafn mitt, svo að þú vanhelgir nafn Guðs þíns. Ég er Drottinn.13Þú skalt eigi beita náunga þinn ofríki, né ræna hann, og kaup daglaunamanns skal eigi vera hjá þér náttlangt til morguns.14Þú skalt ekki bölva daufum manni, né leggja fótakefli fyrir blindan mann, heldur skalt þú óttast Guð þinn. Ég er Drottinn.15Eigi skuluð þér ranglæti fremja í dómi. Þú skalt eigi draga taum lítilmagnans, né heldur vera hliðdrægur hinum volduga. Með réttvísi skalt þú dæma náunga þinn.16Þú skalt eigi ganga um sem rógberi meðal fólks þíns og eigi krefjast blóðs náunga þíns. Ég er Drottinn.17Þú skalt ekki hata bróður þinn í hjarta þínu. Einarðlega skalt þú ávíta náunga þinn, að þú eigi bakir þér synd hans vegna.18Eigi skalt þú hefnisamur vera né langrækinn við samlanda þína, en þú skalt elska náunga þinn eins og sjálfan þig. Ég er Drottinn.19Þér skuluð varðveita setningar mínar. Þú skalt eigi láta tvær tegundir fénaðar þíns eiga samlag, þú skalt eigi sá akur þinn tvenns konar sæði og eigi skalt þú bera klæði, sem ofin eru af tvenns konar efni.20Nú hefir einhver holdlegt samræði við konu, og sé hún ambátt manni föstnuð, en hvorki leysingi né frelsingi, þá liggur refsing við. Eigi skal lífláta þau, fyrir því að hún var eigi frelsingi.21En hann skal færa Drottni sektarfórn sína að dyrum samfundatjaldsins, hrút í sektarfórn.22Og presturinn skal friðþægja fyrir hann með sektarfórnarhrútnum frammi fyrir Drottni vegna syndar hans, sem hann hefir drýgt. Og honum mun fyrirgefin verða synd hans, sem hann hefir drýgt.23„Er þér komið inn í landið og gróðursetjið alls konar aldintré, þá skuluð þér telja aldinin á þeim sem yfirhúð þeirra. Þrjú ár skuluð þér halda þau fyrir óumskorin; eigi skal neyta þeirra.“24Fjórða árið skulu öll aldin þeirra vera helguð Drottni til lofgjörðar,25en fimmta árið skuluð þér eta aldin þeirra, svo að þau veiti yður því meiri arð. Ég er Drottinn, Guð yðar.26Þér skuluð ekkert með blóði eta. Þér skuluð eigi fara með spár né fjölkynngi.27Þér skuluð eigi kringluskera höfuð yðar, né heldur skalt þú skerða skeggrönd þína.28Og þér skuluð eigi skera skurði í hold yðar fyrir sakir dauðs manns, né heldur gjöra hörundsflúr á yður. Ég er Drottinn.29Vanhelga eigi dóttur þína með því að halda henni til saurlifnaðar, að eigi drýgi landið hór og landið fyllist óhæfu.30Þér skuluð halda hvíldardaga mína og bera lotningu fyrir helgidómi mínum. Ég er Drottinn.31Leitið eigi til særingaranda né spásagnaranda, farið eigi til frétta við þá, svo að þér saurgist ekki af þeim. Ég er Drottinn, Guð yðar.32Þú skalt standa upp fyrir hinum gráhærða og heiðra gamalmennið, og þú skalt óttast Guð þinn. Ég er Drottinn.33Ef útlendur maður býr hjá þér í landi yðar, þá skuluð þér eigi sýna honum ójöfnuð.34Útlendan mann, sem hjá yður býr, skuluð þér svo með fara sem innborinn mann meðal yðar, og þú skalt elska hann eins og sjálfan þig, því að þér voruð útlendingar í Egyptalandi. Ég er Drottinn, Guð yðar.35Eigi skuluð þér ranglæti fremja í dómi, stiku, vigt og mæli.36Þér skuluð hafa réttar vogir, rétta vogarsteina, rétta efu og rétta hín. Ég er Drottinn, Guð yðar, sem leiddi yður út af Egyptalandi.37Og þér skuluð varðveita allar setningar mínar og öll lög mín og halda þau. Ég er Drottinn.

19.2 Ísrael, heilagur söfnuður 3Mós 11.44+
19.3 Virða móður og föður 3Mós 20.9; 2Mós 20.12 og hlst.; Esk 22.7; Matt 15.4 og hlst.; Ef 6.2-3 – halda hvíldardaginn 3Mós 23.3; 2Mós 20.8-11 og hlst.; Esk 22.8; Matt 12.1+
19.4 Hjáguðir 2Mós 20.3 og hlst.; 34.14; Slm 81.10; Matt 4.10 og hlst. – steyptir guðir 3Mós 26.1; 2Mós 20.4 og hlst.; 32.1-6; 5Mós 27.15; 1Kon 12.26-33; Jes 44.16-17
19.5 Lokafórn 3Mós 3.1+
19.9 Skera upp 3Mós 23.22; 5Mós 24.19-22
19.11 Stela 2Mós 20.15 og hlst.; 5Mós 24.7 – hlekkja 3Mós 5.21-22
19.12 Sverja meinsæri 3Mós 5.22; 2Mós 20.16 og hlst.; 1Kon 21.10,13; Jer 5.2; Matt 5.33; 26.60 og hlst.; Post 6.13 – vanhelga nafn Guðs 3Mós 18.21+
19.13 Ofríki 3Mós 5.21,23; 2Mós 22.21; 5Mós 24.14; Mal 3.5 – laun daglaunamanns 5Mós 24.15; Jak 5.4
19.14 Hjálpa blindum 5Mós 27.18; Job 29.15; Matt 15.14+
19.15 Dæma af réttlæti 2Mós 23.2-8; 5Mós 1.17
19.16 Krefjast blóðs Esk 22.9,12
19.17 Átelja Matt 18.15 og hlst.
19.18 Hefnd Róm 12.19 – langrækinn Sír 10.6; Nah 1.2; Slm 103.9 – elska náunga þinn 3Mós 19.34; Matt 5.43+
19.19 Tvær tegundir 5Mós 22.9-11
19.21 Sektarfórn 3Mós 5.15+
19.23 Kanaansland 3Mós 14.34+
19.26 Blóð 3Mós 17.11+ – spásagnir, galdur 5Mós 18.10-11; 2Kon 21.6; 2Kro 33.6
19.27 Skera hár 3Mós 21.5; 5Mós 14.1; Jer 48.37
19.29 Hórdómur 5Mós 23.18
19.30 Halda hvíldardaginn 3Mós 19.3 – lotning fyrir helgidóminum 3Mós 26.2; Esk 22.8
19.31 Miðlar og spámæli frá öndum 3Mós 20.6,27; 5Mós 18.11; 1Sam 28.3; Jes 8.19
19.32 Virða öldunga Hlj 5.12
19.33 Sýna ójöfnuð 3Mós 19.13+
19.34 Aðkomumaður 3Mós 16.29+ – elska aðkomumanninn 3Mós 25.35; 5Mós 10.19; sbr 3Mós 19.18+
19.35 Ekki ranglæti Esk 45.9
19.36 Réttir mælar 5Mós 25.13-16; Esk 45.10-12; Hós 12.8; Am 8.5; Okv 11.1