1Minn þá á að vera undirgefnir höfðingjum og yfirvöldum, hlýðnir og reiðubúnir til sérhvers góðs verks,2lastmæla engum, vera ódeilugjarnir, sanngjarnir og sýna hvers konar hógværð við alla menn.3Því að þeir voru tímarnir, að vér vorum einnig óskynsamir, óhlýðnir, villuráfandi, í ánauð hvers konar fýsna og lostasemda. Vér ólum aldur vorn í illsku og öfund, vorum andstyggilegir, hötuðum hver annan.4En er gæska Guðs frelsara vors birtist og elska hans til mannanna,5þá frelsaði hann oss, ekki vegna réttlætisverkanna, sem vér höfðum unnið, heldur samkvæmt miskunn sinni í þeirri laug, þar sem vér endurfæðumst og heilagur andi gjörir oss nýja.6Hann úthellti anda sínum yfir oss ríkulega fyrir Jesú Krist, frelsara vorn,7til þess að vér, réttlættir fyrir náð hans, yrðum í voninni erfingjar eilífs lífs.8Það orð er satt, og á þetta vil ég að þú leggir alla áherslu, til þess að þeir, sem fest hafa trú á Guð, láti sér umhugað um að stunda góð verk. Þetta er gott og mönnum nytsamlegt.9En forðast þú heimskulegar þrætur og ættartölur, deilur og lögmálsstælur. Þær eru gagnslausar og til einskis.10Þrætumanni skalt þú sneiða hjá, er þú hefur einu sinni og tvisvar áminnt hann.11Þú veist að slíkur maður er rangsnúinn og syndugur. Hann er sjálfdæmdur.12Þegar ég sendi Artemas til þín eða Týkíkus, kom þá sem fyrst til mín í Nikópólis, því þar hef ég ásett mér að hafa vetrarvist.13Greið sem best för þeirra Senasar lögvitrings og Apollóss, til þess að þá bresti ekkert.14En vorir menn eiga og að læra að stunda góð verk til nauðsynjaþarfa, til þess að þeir séu ekki ávaxtalausir.15Allir, sem hjá mér eru, senda þér kveðju. Heilsa þeim, sem oss elska í trú. Náð sé með yður öllum.

3.1 Lúta höfðingjum Róm 13.1; 1Pét 2.13
3.2 Ódeilugjarnir 2Tím 2.24+
3.3 Þeir voru tímarnir 1Kor 6.11; Ef 2.2; 5.8; 1Pét 4.3
3.4 Guð frelsari vor 1Tím 1.1+
3.5 Frelsaði af miskunn 2Tím 1.9+ – endurfæðing Ef 5.26 – endurnýjun heilags anda Jóh 3.5
3.6 Lét andann streyma Jl 3.1
3.7 Réttlætt fyrir náð Róm 3.24
3.8 Það orð er satt 1Tím 1.15+
3.9 Forðast þú 2Tím 2.14,16,23 – ættartölur 1Tím 1.4
3.10 Fyrsta og önnur áminning Matt 18.15-17
3.11 Rangsnúinn … 1Tím 6.4-5
3.12 Týkíkus Post 20.4+
3.13 Apollós Post 18.24+
3.14 Læra að stunda góð verk Tít 2.14 – hvar sem þess er þörf Ef 4.28