1Erum vér nú aftur teknir að mæla með sjálfum oss? Eða mundum vér þurfa, eins og sumir, meðmælabréf til yðar eða frá yður?2Þér eruð vort bréf, ritað á hjörtu vor, þekkt og lesið af öllum mönnum.3Þér sýnið ljóslega, að þér eruð bréf Krists, sem vér höfum unnið að, ekki skrifað með bleki, heldur með anda lifanda Guðs, ekki á steinspjöld, heldur á hjartaspjöld úr holdi.4En þetta traust höfum vér til Guðs fyrir Krist.5Ekki svo, að vér séum sjálfir hæfir og eitthvað komi frá oss sjálfum, heldur er hæfileiki vor frá Guði,6sem hefur gjört oss hæfa til að vera þjóna nýs sáttmála, ekki bókstafs, heldur anda. Því að bókstafurinn deyðir, en andinn lífgar.7En ef þjónusta dauðans, sem letruð var og höggvin á steina, kom fram í dýrð, svo að Ísraelsmenn gátu ekki horft framan í Móse vegna ljómans af ásýnd hans, sem þó varð að engu,8hversu miklu fremur mun þá þjónusta andans koma fram í dýrð?9Ef þjónustan, sem sakfellir, var dýrleg, þá er þjónustan, sem réttlætir, enn þá miklu auðugri að dýrð.10Í þessu efni verður jafnvel það, sem áður var dýrlegt, ekki dýrlegt í samanburði við hina yfirgnæfandi dýrð.11Því að ef það, sem að engu verður, kom fram með dýrð, þá hlýtur miklu fremur hið varanlega að koma fram í dýrð.12Þar eð vér nú höfum slíka von, þá komum vér fram með mikilli djörfung13og gjörum ekki eins og Móse, sem setti skýlu fyrir andlit sér, til þess að Ísraelsmenn skyldu ekki horfa á endalok ljóma þess, sem var að hverfa.14En hugur þeirra varð forhertur. Því allt til þessa dags hvílir sama skýlan yfir upplestri hins gamla sáttmála og henni hefur ekki verið svipt burt, því að aðeins í Kristi hverfur hún.15Já, allt til þessa dags hvílir skýla yfir hjörtum þeirra, hvenær sem Móse er lesinn.16En þegar einhver snýr sér til Drottins, verður skýlan burtu tekin.17Drottinn er andinn, og þar sem andi Drottins er, þar er frelsi.18En allir vér, sem með óhjúpuðu andliti endurspeglum dýrð Drottins, ummyndumst til hinnar sömu myndar, frá dýrð til dýrðar. Þetta gjörir andi Drottins.

3.1 Mæla með sjálfum sér 2Kor 5.12; 10.12 – til einskis Róm 1.17; 8.3; 1Kor 1.30; Gal 3.13; Fil 3.9 – meðmælabréf Post 18.27; Róm 16.1; Kól 4.10; 3Jóh 9-12
3.3 Steinspjöld 2Mós 24.12; 31.18; 34.1,28-29; 5Mós 9.10-11 – hjartaspjöld Okv 3.3; 7.3; Jer 31.33; Esk 11.19; 36.26
3.5 Hæfileikinn frá Guði Jóh 15.5; 2Kor 2.16b
3.6 Nýr sáttmáli Jer 31.31; Lúk 22.20; 1Kor 11.25; 2Kor 3.14; Heb 8.8; 9.15; 12.24 – andinn lífgar Jóh 6.63; Róm 7.6
3.7 Móse og steintöflurnar 2Mós 32.15-16; 34.1-4
3.9 Sakfellir 5Mós 27.26; Gal 3.10
3.13 Setti skýlu fyrir andlit sér 2Mós 34.29-35
3.14 Skilja ekki Mrk 4.12; Post 28.27; Róm 11.7-8,25; 2Þess 2.11
3.16 Snýr sér til Drottins 2Mós 34.34; Róm 11.23-26
3.17 Drottinn er andi Jóh 4.24; 1Kor 6.17 – andi og frelsi Róm 8.2+