1Kalla þú af megni og drag ekki af! Hef upp raust þína sem lúður og kunngjör lýð mínum misgjörð þeirra og húsi Jakobs syndir þeirra!2Þeir leita mín dag frá degi og girnast að þekkja mína vegu. Þeir heimta af mér réttláta dóma og girnast það, að Guð komi til, eins og væru þeir þjóð, sem iðkar réttlæti og eigi víkur frá skipunum Guðs síns.3Hví föstum vér, og þú sér það ekki? Hví þjáum vér oss, og þú skeytir því ekki? Sjá, daginn sem þér fastið fáist þér við störf yðar og þrælkið öll hjú yðar.4Sjá, þér fastið til þess að vekja deilur og þrætur og til þess að ljósta með ósvífnum hnefa. En þér fastið eigi í dag til þess að láta rödd yðar heyrast upp í hæðirnar.5Mun slíkt vera sú fasta, er mér líkar, sá dagur, er menn þjá sig? Að hengja niður höfuðið sem sef og breiða undir sig sekk og ösku, kallar þú slíkt föstu og dag velþóknunar fyrir Drottni?6Nei, sú fasta, sem mér líkar, er að leysa fjötra rangsleitninnar, láta rakna bönd oksins, gefa frjálsa hina hrjáðu og sundurbrjóta sérhvert ok,7það er, að þú miðlir hinum hungruðu af brauði þínu, hýsir bágstadda, hælislausa menn, og ef þú sér klæðlausan mann, að þú þá klæðir hann og firrist eigi þann, sem er hold þitt og blóð.8Þá skal ljós þitt bruna fram sem morgunroði og sár þitt gróa bráðlega, þá mun réttlæti þitt fara fyrir þér, dýrð Drottins fylgja á eftir þér.9Þá munt þú kalla á Drottin, og hann mun svara, þú munt hrópa á hjálp og hann segja: Hér er ég! Ef þú hættir allri undirokun, hæðnisbendingum og illmælum,10ef þú réttir hinum hungraða brauð þitt og seður þann, sem bágt á, þá mun ljós þitt renna upp í myrkrinu og niðdimman í kringum þig verða sem hábjartur dagur.11Þá mun Drottinn stöðugt leiða þig og seðja þig, þótt þú sért staddur á vatnslausum stöðum, og styrkja bein þín, og þá munt þú verða sem vökvaður aldingarður og sem uppsprettulind, er aldrei þrýtur.12Þá munu afkomendur þínir byggja upp hinar fornu borgarrústir, og þú munt reisa að nýju múrveggina, er legið hafa við velli marga mannsaldra, og þá munt þú nefndur verða múrskarða-fyllir, farbrauta-bætir.13Ef þú varast að vanhelga hvíldardaginn, varast að gegna störfum þínum á helgum degi mínum, ef þú kallar hvíldardaginn feginsdag, hinn helga dag Drottins heiðursdag og virðir hann svo, að þú framkvæmir ekki fyrirætlanir þínar, annast ekki störf þín né talar hégómaorð,14þá munt þú gleðjast yfir Drottni og þá mun ég láta þig fram bruna á hæðum landsins og láta þig njóta arfleifðar Jakobs föður þíns, því að munnur Drottins hefir talað það.

58.1 Segðu … Hós 8.1; Mík 3.8
58.2 Leita Jes 55.6 – réttlæti og réttur Jes 56.1+ – víkur ekki frá Slm 73.28
58.3 Föstum 3Mós 16.29,31; 23.27; 4Mós 29.7 – hvers vegna föstum vér … ? Mal 3.14 – Drottinn sér Matt 6.18
58.4 Heyrast í upphæðum Jes 1.15
58.5 Er sú? Matt 6.16 – sekk og ösku Jer 6.26; Est 4.3; Dan 9.3; Matt 11.21
58.6 Þóknanleg fasta sbr Jes 1.11; Am 5.21 – gefa frjálsa 5Mós 15.12-15; Jer 34.8-9 – hina hrjáðu Jes 42.3
58.7 Miðla af brauði sbr Esk 18.5-9 – hýsa sbr Matt 25.34-40 – klæðir Job 31.19-20 – firrist 5Mós 22.1
58.8 Sár gróa Jer 8.21-22; 30.17; 33.6 – fylgir eftir Jes 52.12
58.9 Kalla, svara Jer 33.3; Slm 91.15 – hér er ég Jes 52.6; 65.1
58.10 Ljós þitt Matt 5.14 – ljós í myrkri Jóh 8.12
58.11 Skrælnað land 1Pét 14.12 – uppsprettu Jóh 4.14
58.12 Hinar fornu rústir Jes 64.10 – byggja upp Jes 61.4
58.13 Halda hvíldardaginn Jes 56.2,4,6; 2Mós 31.15; Esk 20.12-24
58.14 Gleðjast yfir Drottni Slm 37.4; Job 22.26 – arfur sbr Heb 3.7-4.11 – munnur Drottins … Jes 40.5