1Dæmið ekki, svo að þér verðið ekki dæmdir.2Því að með þeim dómi, sem þér dæmið, munuð þér dæmdir, og með þeim mæli, sem þér mælið, mun yður mælt verða.3Hví sér þú flísina í auga bróður þíns, en tekur ekki eftir bjálkanum í auga þínu?4Eða hvernig fær þú sagt við bróður þinn: Lát mig draga flísina úr auga þér? Og þó er bjálki í auga sjálfs þín.5Hræsnari, drag fyrst bjálkann úr auga þér, og þá sérðu glöggt til að draga flísina úr auga bróður þíns.6Gefið ekki hundum það sem heilagt er, og kastið eigi perlum yðar fyrir svín. Þau mundu troða þær undir fótum, og þeir snúa sér við og rífa yður í sig.7Biðjið, og yður mun gefast, leitið, og þér munuð finna, knýið á, og fyrir yður mun upp lokið verða.8Því að hver sá öðlast, sem biður, sá finnur, sem leitar, og fyrir þeim, sem á knýr, mun upp lokið verða.9Eða hver er sá maður meðal yðar, sem gefur syni sínum stein, er hann biður um brauð?10Eða höggorm, þegar hann biður um fisk?11Fyrst þér, sem eruð vondir, hafið vit á að gefa börnum yðar góðar gjafir, hve miklu fremur mun þá faðir yðar á himnum gefa þeim góðar gjafir, sem biðja hann?12Allt sem þér viljið, að aðrir menn gjöri yður, það skuluð þér og þeim gjöra. Þetta er lögmálið og spámennirnir.13Gangið inn um þrönga hliðið. Því að vítt er hliðið og vegurinn breiður, sem liggur til glötunar, og margir þeir, sem þar fara inn.14Hve þröngt er það hlið og mjór sá vegur, er liggur til lífsins, og fáir þeir, sem finna hann.15Varist falsspámenn. Þeir koma til yðar í sauðaklæðum, en innra eru þeir gráðugir vargar.16Af ávöxtum þeirra skuluð þér þekkja þá. Hvort lesa menn vínber af þyrnum eða fíkjur af þistlum?17Þannig ber sérhvert gott tré góða ávöxtu, en slæmt tré vonda.18Gott tré getur ekki borið vonda ávöxtu, ekki heldur slæmt tré góða ávöxtu.19Hvert það tré, sem ber ekki góðan ávöxt, verður upp höggvið og í eld kastað.20Af ávöxtum þeirra skuluð þér því þekkja þá.21Ekki mun hver sá, sem við mig segir: Herra, herra, ganga inn í himnaríki, heldur sá einn, er gjörir vilja föður míns, sem er á himnum.22Margir munu segja við mig á þeim degi: Herra, herra, höfum vér ekki kennt í þínu nafni, rekið út illa anda í þínu nafni og gjört í þínu nafni mörg kraftaverk?23Þá mun ég votta þetta: Aldrei þekkti ég yður. Farið frá mér, illgjörðamenn.24Hver sem heyrir þessi orð mín og breytir eftir þeim, sá er líkur hyggnum manni, er byggði hús sitt á bjargi.25Nú skall á steypiregn, vatnið flæddi, stormar blésu og buldu á því húsi, en það féll eigi, því það var grundvallað á bjargi.26En hver sem heyrir þessi orð mín og breytir ekki eftir þeim, sá er líkur heimskum manni, er byggði hús sitt á sandi.27Steypiregn skall á, vatnið flæddi, stormar blésu og buldu á því húsi. Það féll, og fall þess var mikið.28Þegar Jesús hafði lokið þessari ræðu, undraðist mannfjöldinn mjög kenningu hans,29því að hann kenndi þeim eins og sá, er vald hefur, og ekki eins og fræðimenn þeirra.

7.1-6 Hlst. Lúk 6.37-38,41-42
7.1 Dæma Slm 50.6; Róm 2.1; 14.10; 1Kor 5.12; Jak 4.11
7.2 Þeim dómi Mrk 4.24
7.6 Hið heilaga 2Mós 29.3-34; 3Mós 2.3
7.7-12 Hlst. Lúk 11.9-13
7.7 Biðjið Mrk 11.24; Jóh 14.13-14; 15.7; 16.23-24; Jak 1.5; 1Jóh 3.22; 5.14-15
7.11 Faðir yðar Matt 6.9+ ; Jak 1.17
7.12 Gullna reglan Róm 13.8-10 – lögmálið og spámennirnir Matt 5.17; 11.13; 22.40; Lúk 16.16; 24.44; Jóh 1.45; Post 13.15; 24.14; 28.23; Róm 3.21
7.13-14 Hlst Lúk 13.24
7.14 Þröngt hlið Post 14.22
7.15-20 Hlst. Lúk 6.43-44
7.15 Falsspámenn Matt 24.11,24; Lúk 6.26; sbr Post 13.6; 2Pét 2.1; 1Jóh 4.1; Opb 16.13; 19.20; 20.10 – vargar Esk 22.27; Matt 10.16; Jóh 10.12; Post 20.29
7.16 Ávextir Matt 3.8+ – þekkja Matt 11.27; 12.33; 14.35; 17.12
7.17Gott tré, góðir ávextir Jak 3.11-12
7.19 Höggva upp Matt 3.10; Lúk 3.9; 13.6-9; Jóh 15.6
17.21-23 Hlst. Lúk 13.25-27
7.21 Ganga inn í himnaríki Matt 5.20+ – gera Róm 2.13; Jak 1.22,25; 1Jóh 2.17 – vilja föðurins Matt 6.10+
7.22 Á þeim degi Jes 2.11; 10.3; 49.8; Matt 24.36 – í þínu nafni Jer 14.14; 27.15; Mrk 9.38; Lúk 9.49
7.23 Afneita Matt 10.33; 2Tím 2.12 – farið frá mér Matt 13.41-42; 25.41
7.24-29 Hlst. Lúk 6.47-49
7.24 Eftirbreytni Matt 5.19; 7.12,24; Jak 1.22-23
7.27 Steypiregn og hrun Esk 13.11-12
7.28 Að ræðu lokinni Matt 11.1; 13.53; 19.1; 26.1; Lúk 7.1