1 Asafssálmur.
Guð stendur á guðaþingi,
hann heldur dóm meðal guðanna.
2„Hve lengi ætlið þér að dæma ranglega
og draga taum óguðlegra? (Sela)
3Rekið réttar bágstaddra og föðurlausra,
látið þjáða og snauða ná rétti sínum,
4bjargið bágstöddum og snauðum,
frelsið þá úr hendi óguðlegra.“
5Þeir hafa hvorki skyn né skilning,
þeir ráfa í myrkri.
Allar undirstöður jarðar riða.
6Ég sagði: „Þér eruð guðir,
allir saman synir Hins hæsta
7en samt munuð þér deyja sem menn,
falla sem einn af höfðingjunum.“
8Rís upp, Guð, dæm þú jörðina
því að allar þjóðir eru eign þín.