Fyrsta Mósebók 5. kafli2017-12-31T01:43:33+00:00
Fyrsta Mósebók 5. kafli

Ættartala frá Adam til Nóa

Þetta er ættartala Adams.

1 Þegar Guð skapaði manninn gerði Guð hann í líkingu sinni. 2 Hann skapaði þau karl og konu. Hann blessaði þau og kallaði þau menn er þau voru sköpuð.
3 Adam var hundrað og þrjátíu ára er hann gat son líkan sér, eftir sinni mynd, og nefndi hann Set. 4 Eftir fæðingu Sets lifði Adam í átta hundruð ár og gat syni og dætur. 5 Allir ævidagar Adams urðu níu hundruð og þrjátíu ár. Þá dó hann.
6 Set var hundrað og fimm ára er hann gat Enos. 7 Eftir fæðingu Enosar lifði Set í átta hundruð og sjö ár og gat syni og dætur. 8 Ævidagar Sets urðu níu hundruð og tólf ár. Þá dó hann.
9 Enos var níutíu ára er hann gat Kenan. 10 Eftir fæðingu Kenans lifði Enos í átta hundruð og fimmtán ár og gat syni og dætur. 11 Allir dagar Enosar urðu níu hundruð og fimm ár. Þá dó hann.
12 Kenan var sjötíu ára er hann gat Mahalalel. 13 Eftir fæðingu Mahalalels lifði Kenan í átta hundruð og fjörutíu ár og gat syni og dætur. 14 Allir dagar Kenans urðu níu hundruð og tíu ár. Þá dó hann.
15 Mahalalel var sextíu og fimm ára er hann gat Jared. 16 Eftir fæðingu Jareds lifði Mahalalel í átta hundruð og þrjátíu ár og gat syni og dætur. 17 Ævidagar Mahalalels urðu átta hundruð níutíu og fimm ár. Þá dó hann.
18 Jared var hundrað sextíu og tveggja ára er hann gat Enok. 19 Eftir fæðingu Enoks lifði Jared í átta hundruð ár og gat syni og dætur. 20 Allir dagar Jareds urðu níu hundruð sextíu og tvö ár. Þá dó hann.
21 Enok var sextíu og fimm ára er hann gat Metúsala. 22 Eftir fæðingu Metúsala gekk Enok með Guði í þrjú hundruð ár og gat syni og dætur. 23 Ævidagar Enoks urðu þrjú hundruð sextíu og fimm ár. 24 Enok gekk með Guði, þá hvarf hann því að Guð tók hann.
25 Metúsala var hundrað áttatíu og sjö ára er hann gat Lamek. 26 Eftir fæðingu Lameks lifði Metúsala í sjö hundruð áttatíu og tvö ár og gat syni og dætur. 27 Ævidagar Metúsala urðu níu hundruð sextíu og níu ár. Þá dó hann.
28 Lamek var hundrað áttatíu og tveggja ára er hann gat son. 29 Hann nefndi hann Nóa og mælti: „Hann mun veita okkur styrk í erfiði og striti handa okkar á jörðinni sem Drottinn lýsti bölvun yfir.“ 30 Eftir fæðingu Nóa lifði Lamek í fimm hundruð níutíu og fimm ár og gat syni og dætur. 31 Ævidagar Lameks urðu sjö hundruð sjötíu og sjö ár. Þá dó hann.
32 Nói var fimm hundruð ára er hann gat Sem, Kam og Jafet.

Hægt er að nálgast texta þessa kafla í öðrum íslenskum þýðingum með því að smella á nafn þýðingarinnar hér fyrir neðan. Þýðingin opnast í nýjum glugga.