Sálmarnir 4. kafli 2017-12-30T21:01:45+00:00
Sálmarnir 4. kafli

1 Til söngstjórans. Með strengjaleik. Davíðssálmur.
2Svara mér þegar ég hrópa,
þú, Guð réttlætis míns.
Þá er að mér þrengdi rýmkaðir þú um mig.
Miskunna mér og heyr bæn mína.
3Þér menn: Hve lengi hyggist þér veitast að sæmd minni,
elska hégómann og leita til lyginnar? (Sela)
4Vitið að Drottinn er náðugur þeim sem honum er trúr,
Drottinn heyrir er ég hrópa til hans.
5Skelfist en syndgið ekki,
hugleiðið þetta í hvílum yðar og verið hljóðir. (Sela)
6Færið réttar fórnir
og treystið Drottni.
7Margir segja: „Hver lætur oss hamingju líta?“
Drottinn, lát ljós auglitis þíns lýsa yfir oss.
8Þú hefur glatt hjarta mitt
meira en aðrir gleðjast yfir gnægð korns og víns.
9Í friði leggst ég til hvíldar og sofna
því að þú einn, Drottinn,
lætur mig hvíla óhultan í náðum.

Hægt er að nálgast texta þessa kafla í öðrum íslenskum þýðingum með því að smella á nafn þýðingarinnar hér fyrir neðan. Þýðingin opnast í nýjum glugga.