Sálmarnir 141. kafli 2017-12-30T21:02:18+00:00
Sálmarnir 141. kafli

1 Davíðssálmur.
Drottinn, ég ákalla þig, skunda þú til mín,
ljá eyra bæn minni þegar ég ákalla þig.
2Bæn mín berist sem reykelsi fyrir auglit þitt
og upplyfting handa minna sem kvöldfórn.
3Set þú, Drottinn, vörð við munn minn,
gæt hliðs vara minna.
4Lát hjarta mitt eigi hneigjast að neinu illu
svo að ég fremji ekki óguðleg verk með illvirkjum.
Ég vil ekki bragða krásir þeirra.
5Hinir réttlátu geta slegið mig
og hirt mig í kærleika
en olía guðlausra skal ekki smyrja höfuð mitt.
Stöðugt bið ég um hjálp gegn illsku þeirra.
6Þegar höfðingjum þeirra verður hrundið niður af kletti
munu menn skilja að orð mín voru mild.
7Eins og þegar jörð er plægð og henni bylt
verður beinum þeirra dreift við gin heljar.
8Augu mín horfa til þín, Drottinn,
hjá þér leita ég hælis,
sel mig ekki dauðanum á vald.
9Varðveit mig fyrir gildru þeirra er sitja um mig
og fyrir snörum illvirkjanna.
Hinir óguðlegu falli í eigið net
þegar ég geng óhultur hjá.

Hægt er að nálgast texta þessa kafla í öðrum íslenskum þýðingum með því að smella á nafn þýðingarinnar hér fyrir neðan. Þýðingin opnast í nýjum glugga.