1 Ljóð. Kóraítasálmur.
2Mikill er Drottinn og mjög vegsamlegur
í borg Guðs vors.
3Hans heilaga fjall, sem gnæfir hátt og fagurt,
er allri jörðu gleði,
Síonarfjall yst í norðri,
borg hins mikla konungs.
4Guð hefur í höllum hennar
kunngjört sig sem vígi
5því að konungar söfnuðust saman,
sóttu fram allir sem einn.
6Þegar þeir litu upp urðu þeir agndofa,
skelfdust og flýðu.
7Þar greip þá felmtur
sem angist jóðsjúka konu.
8Með austanvindinum brýtur þú Tarsisskipin.
9Það sem vér áður heyrðum höfum vér nú séð
í borg Drottins hersveitanna, borg Guðs vors.
Guð lætur hana standa að eilífu. (Sela)
10Vér ígrundum, Guð, elsku þína
í musteri þínu.
11Eins og nafn þitt, Guð, hljómar lofgjörð um þig
allt til endimarka jarðar.
Hægri hönd þín er full réttlætis.
12Síonarfjall gleðst,
Júdadætur fagna
vegna dóma þinna.
13Gangið umhverfis Síon,
gangið kringum hana,
teljið turna hennar,
14skoðið borgarmúrana vandlega,
virðið fyrir yður virkin
svo að þér getið sagt komandi kynslóð
15að þannig sé Drottinn, Guð vor,
hann mun leiða oss um aldur og ævi.