Sálmarnir 20. kafli 2017-12-30T21:01:46+00:00
Sálmarnir 20. kafli

1 Til söngstjórans. Davíðssálmur.
2Drottinn bænheyri þig á degi neyðarinnar,
nafn Jakobs Guðs verndi þig. [
3Hann sendi þér hjálp frá helgidóminum,
styðji þig frá Síon.
4Hann minnist allra kornfórna þinna
og taki brennifórn þína gilda. (Sela)
5Hann veiti þér það sem hjarta þitt þráir,
láti öll áform þín lánast.
6Þá munum vér fagna yfir sigri þínum,
hefja upp fánann í nafni Guðs vors.
Drottinn uppfylli allar óskir þínar.
7Nú veit ég að Drottinn veitir hjálp sínum smurða,
bænheyrir hann frá sínum helga himni
og hjálpar með máttugri hægri hendi sinni.
8Aðrir treysta á hervagna og hesta
en vér áköllum nafn Drottins, Guðs vors.
9Þeir kiknuðu í hnjánum og féllu
en vér rísum og stöndum uppréttir.
10Drottinn, veit konunginum sigur.
Bænheyr oss er vér hrópum.

Hægt er að nálgast texta þessa kafla í öðrum íslenskum þýðingum með því að smella á nafn þýðingarinnar hér fyrir neðan. Þýðingin opnast í nýjum glugga.