Sálmarnir 99. kafli 2017-12-30T21:02:07+00:00
Sálmarnir 99. kafli

1Drottinn er konungur, þjóðirnar skjálfa,
hann situr uppi yfir kerúbunum, jörðin nötrar.
2Drottinn er voldugur á Síon
og hafinn yfir allar þjóðir,
3þær lofi nafn þitt, máttugt og ógnþrungið.
Heilagur er hann.
4Voldugi konungur, þú elskar réttinn.
Réttvísina stofnsettir þú,
komst á rétti og réttlæti í Jakob.
5Tignið Drottin, Guð vorn,
og fallið fram fyrir fótskör hans.
Heilagur er hann.
6Móse og Aron voru meðal presta hans,
Samúel meðal þeirra er ákölluðu nafn hans.
Þeir hrópuðu til Drottins
og hann bænheyrði þá.
7Hann talaði til þeirra í skýstólpanum
og þeir héldu boð hans
og lög þau sem hann setti þeim.
8Drottinn, Guð vor, þú bænheyrðir þá,
þú reyndist þeim fyrirgefandi Guð
en refsaðir þeim fyrir misgjörðir þeirra.
9Tignið Drottin, Guð vorn,
og fallið fram fyrir hans heilaga fjalli
því að heilagur er Drottinn, Guð vor.

Hægt er að nálgast texta þessa kafla í öðrum íslenskum þýðingum með því að smella á nafn þýðingarinnar hér fyrir neðan. Þýðingin opnast í nýjum glugga.