Þessi er kynþáttur Arons og Móses á þeim tíma er Drottinn talaði við Mósen á Sínaífjalli og þessi eru nöfn Arons sona: Sá fyrsti var Nadab, hans frumgetinn son, þar næst Abíhú, Eleasar og Ítamar. [ Þessi eru Arons sona nöfn sem smurðir voru til kennimanna og þeirra hendur voru fylldar til prestaembættis. En Nadab og Abíhú dóu fyrir Drottni þá þeir offruðu annarlegum eldi fyrir Drottni í eyðimörku Sínaí, og þeir höfðu öngva syni. En Eleasar og Ítamar frömdu prestembættið með þeirra föður Aron.

Og Drottinn talaði við Mósen og sagði: „Láttu Leví ætt koma fram og skikka þú hana til prestsins Arons að þeir þjóni honum og taki vara uppá hans og alls almúgans þjónustu fyrir tjaldbúð vitnisburðarins og að þeir taki vara á þjónustunni í tjaldbúðinni og að gæta alls umbúnaðar í vitnisburðarins tjaldbúð og hafi vakt á Ísraelissonum til að þjóna í tjaldbúðarinnar þjónustu. Og þú skalt gefa Levítana Aroni og sonum hans af Ísraelissonum. En Aron og hans sonu skalt þú skikka til að þeir vakti sitt kennimannlegt embætti. Ef þar gengur framandi til, hann skal deyja.“

Og Drottinn talaði við Mósen og sagði: „Sjá, ég hefi tekið Levítana meðal Ísraelissona í staðinn allra frumgetninga sem að opna sitt móðurlíf á meðal Ísraelssona, svo að Levítarnir skulu heyra mér til. Því að þeir fyrstu frumburðir eru mínir síðan ég í hel sló alla frumburði í Egyptalandi, þá helgaði ég mér allan frumburð í Ísrael, að þeir skyldu heyra mér til, bæði af mönnum og fénaði. [ Ég Drottinn.“

Og Drottinn talaði við Mósen í eyðimörku Sínaí og sagði: Tel þú Leví sonu eftir þeirra feðra húsi og kynþáttum, alla þá sem eru kallkyns, eins mánaðar gamlir og þaðan af.“ [ Og so taldi Móses þá eftir orðum Drottins, so sem hann hafði bífalað. Og þessi voru nöfn Leví sona: Gerson, Kahat, Merarí. En Gersons sona nöfn í þeirra kynþáttum voru Lipní og Símeí. Synir Kahat í þeirra kynþáttum voru Amram, Jesear, Hebrom og Úsíel. Synir Merarí í sínum kynþáttum voru Mahel og Músí. Þetta eru Levítanna kynþættir eftir þeirra feðra heimkynni.

Þessir eru kynþættir Gerson: Líbnítar og Símeítar. [ Þeirra manntal sem taldir voru var sjö þúsundruð og fimm hundruð, allir þeir sem voru af kallkyni, eins mánaðar gamlir og þaðan af eldri. Og sú sama Gersoníta ætt skal setja sínar herbúðir bak við tjaldbúðina í vestur. Elíasaf son Lael skal vera þeirra höfðingi. Þeir skulu taka vara uppá vitnisburðarins tjaldbúð sem er á tjaldinu og tjaldbúðnni, hennar þaki og á dyrunum fyrir vitnisburðarins tjaldbúðardyrum og á sparlökunum til forgarðsins og á dúknum í forgarðsins dyrum sem gengur í kringum tjaldbúðina og í kringum altarið, á stögunum og á öllu því sem heyrir til þeirri þjónustugjörð.

Þessir eru kynþættir Kahat: Amramítar, Jeseharítar, Hebronítar og Úsíelítar, allir kallkyns mánaðar gamlir og þaðan af eldri, þeir sem voru að tölu átta þúsund og sex hundruð, sem vara tóku á helgidóminum. [ Og þeir skulu leggja sig á þeirri syðri síðu hjá tjaldbúðinni. Elísafan son Úsíel skal vera þeirra höfðingi. Og þeir skulu varðveita örkina, borðið, kertistikuna, altarið, og þau verkfæri sem heyra til helgidóminum að gjöra þjónustu með, og dúkana og það sem heyrir til þeirri þjónustu. En Eleasar son Arons prests skal vera höfðinginn og allra æðstur af Levítunum, yfir þeim sem eru skikkaðir til að varðveita helgidóminn.

Þetta eru Merarí kynþættir: Mahelítar og Músítar, sem voru reiknaðir að tölu sex þúsundir og tvö hundruð, allt það kallkyns var, mánaðargamlir og þaðan af eldri. [ Súríel son Abíhaíl skal vera þeirra höfðingi. Og þeir skulu leggja sig á nyrðri síðu við tjaldbúðina. Og þeirra embætti skal vera að taka vara á fjölunum og á stöngunum, á stólpunum og á fótunum til tjaldbúðarinnar og á umbúnaðinum sem heyrir til þeirri þjónustu, svo og á stólpunum í kringum tjaldbúðargarðinn og á fótunum og á hælunum og so líka á stögunum.

En Móses og Aron og hans synir skulu setja þeirra landtjöld fyrir austan vitnisburðarinnar tjaldbúð so þeir megi taka vara uppá helgidóminum og á Ísraelissonum. En ef nokkur framandi kemur þar nær þá skal hann deyja. Allir Levítarnir þeir sem Móses og Aron höfðu talið eftir orði Drottins, allir þeir sem kallkyns voru, mánaðargamlir og þaðan af eldri, í þeirra kynþáttum, voru tvær og tuttugu þúsundir. [

Og Drottinn sagði til Mósen: „Tel alla frumgetninga þá sem eru kallkyns meðal Ísraelissona, mánaðargamla og þaðan af eldri, og tak töluna og þeirra nöfn. Og þú skalt fráskilja mér til handa, sem er Drottinn, Levítana í staðinn allra frumburða á meðal Ísraelssona, og Levítanna fé í staðinn fyrir alls fyrsta frumburðar meðal Ísraelissona fénaðar.“ Og Móses taldi sem Drottinn bauð honum alla frumburði á meðal Ísraelissona, mánaðargamla og þaðan af eldri, þeir voru tvær og tuttugu þúsundir og tvö hundruð og þrír og fjörutygu.

Og Drottinn talaði til Mósen og sagði: „Tak þú Levítana í staðinn allra frumgetinna meðal Ísraelssona og Levítanna fénað fyrir þeirra fénað, so að Levítarnir heyri mér til. [ Ég em Drottinn. En þú skalt taka lausnarpeninga fyrir þau tvö hundruð þrjá og sjötygi sem frumgetnir eru á meðal Ísraelssona og voru yfir Levítanna tölu, fimm siclos fyrir hvört höfuð til lausnar, eftir helgidómsins sikli (en tuttugu gera gilda eirn sikil) og þú skalt afhenda Aroni og hans sonum þessa peninga sem so er yfir töluna.“ [ So tók Móses lausnarpeninga þeirra sem afhlaups voru fram yfir Levítanna tölu, af þeim frumgetnu Ísraelissonum, þúsund þrjú hundruð og fimm og sextygu siclos, eftir helgidómsins sikli. Og hann gaf Aroni og hans sonum þá peninga, eftir Drottins orði sem Drottinn hafði boðið Móse.