Kveðja
Öldungurinn (sjá og 2Jóh 1) heilsar elskuðum vini sínum, Gajusi. Hann biður þess, að Gajusi vegni vel í öllu, hann sé heill heilsu og honum líði vel. Hann hrósar Gajusi fyrir kærleika hans og trúnað við sannleikann.
1 Öldungurinn: Sjá athugagrein við 2Jóh 1.
1 Gajusi: Lærisveinn Jesú sem hafði orð fyrir að vera trúr sannleikanum um hann. Vera má, að bréfritarinn („öldungurinn“) hafi orðið til þess að Gajus snerist til hlýðni við trúna á Krist. Hann hrósar Gajusi fyrir það, að hann hafi tekið vel á móti aðvífandi prédikurum fagnaðarerindisins og hvatt aðra í söfnuðinum til þess að gjöra slíkt hið saman.
Gajus var algengt nafn í Rómaveldi. Nokkrir menn í Nýja testamenti heita svo (Post 19.21; Róm 16.23; 1Kor 1.14). Þó er ólíklegt, að einhver þeirra sé sá Gajus, sem hér um ræðir.
3 hve trúr þú ert sannleikanum: Gajus var „trúr sannleikanum“ af því að hann treysti því, að Jesús væri sonur Guðs, Messías, „hinn smurði, hinn útvaldi.“ Sá sannleikur var í andstöðu við þá villukenningu, að Jesús hefði ekki verið raunverulegur maður og ekki heldur sonur Guðs (sjá 1Jóh 2.18-23; 4.1-3; 2Jóh 7). Sjá og „Sannleikurinn“ á bls. 1992.
4 börnin mín: Fólkið sem bréfritari hefur leitt til trúar á Krist. Sjá og athugagrein við 1Jóh 2.1.
6 greiða för þeirra: Styðja þá í því ætlunarverki að boða fagnaðarerindið um Jesú (8).
9 safnaðarins: Gríska orðið, sem hér er þýtt á íslensku með „söfnuður“ er ekklesía. Upphafleg merking þess er sérhver „samkoma fólks.“ Orðið kirkja getur verið haft um gjörvalla kristnina í heiminum (kirkja Krists), hvern einstakan söfnuð, og loks um kirkjuhús. Sjá nánar „Kirkja„.
9 Díótrefes: Hans er hvergi getið annars staðar í Nýja testamenti. Díótrefes hefur verið í sama söfnuði og Gajus. Hann hafði dreift um bréfritarann álygum og rógi (9) og neitað að veita viðtöku kristnum bræðrum á hans á vegum (10).
11 Sjá 1Jóh 3.11-18; 2Jóh 5,6.
12 Demetríus: Öldungurinn hrósar Demetríusi fyrir sanna og áreiðanlega kenningu hans um Krist. Annars Demetríusar er getið í Postulasögunni; sá var silfursmiður (Post 19.23-41).