2.3,4 Ég skrifaði einmitt þetta…skrifaði ég ykkur með mörgum tárum: Páll vildi ekki koma reiður til Korintumanna, og ekki heldur að þeir hryggðust yfir því sem hann skrifaði þeim. En honum hefur sárnað framferði þeirra.

2.6 Látið þeim manni nægja þá refsingu: Maður nokkur hefur ráðist gegn Páli og kenningu hans. Hinir kristnu í Korintu munu hafa vakið athygli á málflutningi hans opinberlega. Páll hvetur Korintumenn til þess að fyrirgefa manni þessum.

2.7 ættuð þið nú …að fyrirgefa honum: Sjá “Synd“.

2.12 ég kom til Tróas: Tróas var mikil hafnarborg í Makedóníu. Sjá Post 16.8; 20.5-12.

2.13 Títus, bróður minn: Sjá athugagrein við 8.6.

2.14 eins og þekkan ilm: Páll líkir fagnaðarerindinu um Krist við vellyktandi. Ilmvötn voru höfð í litlum leirflöskum eins og sjást hér á myndinni.

2.17 pranga með Guðs orð: Þótt sjálfsagt þætti að söfnuðir styddu fjárhagslega þá sem prédikuðu þeim fagnaðarerindið, var ekki þar með sagt að trúboðunum ætti að haldast uppi að hafa áheyrendur sína að féþúfu. Sjá og 1Kor 4.9-13; 0.11-18.