Biblíulestur – 6. september – Slm 105.36–45
Hann laust alla frumburði í landi þeirra til bana,
frumgróða karlmennsku þeirra.
Síðan leiddi hann þá út með silfri og gulli
og enginn af ættbálkum hans hrasaði.
Egyptar glöddust yfir brottför þeirra
því að ótti var kominn yfir þá.
Hann breiddi út ský sem hlíf
og eld til að lýsa um nætur.
Þeir báðu, þá sendi hann lynghænsn
og mettaði þá með brauði af himni.
Hann klauf klett og vatn vall fram,
rann sem fljót um skrælnað land.
Þar sem hann minntist síns heilaga heits
við Abraham þjón sinn
leiddi hann lýð sinn með gleði,
sína útvöldu með fögnuði.
Hann gaf þeim lönd annarra þjóða,
þeir eignuðust ávöxt af erfiði þjóðanna
svo að þeir héldu lög hans
og varðveittu boðorð hans.
Hallelúja.
Biblíulestur 20. júlí – Lúk 11.33–54
Enn sagði Jesús: „Enginn kveikir ljós og setur það í felur né undir mæliker heldur á ljósastiku svo að þeir sem inn koma sjái ljósið. Auga þitt er lampi líkamans. [...]
Biblíulestur 19. júlí – Lúk 11.14–32
Jesús var að reka út illan anda og var sá mállaus. Þegar illi andinn var farinn út tók málleysinginn að mæla og undraðist mannfjöldinn. En sumir þeirra sögðu: „Með fulltingi [...]
Biblíulestur 18. júlí – Lúk 10.38–11.13
Á ferð þeirra kom Jesús í þorp nokkurt og kona að nafni Marta bauð honum heim. Hún átti systur er María hét og settist hún við fætur Drottins og hlýddi [...]
Biblíulestur 17. júlí – Lúk 5.1–11
Nú bar svo til að Jesús stóð við Genesaretvatn og mannfjöldinn þrengdist að honum til að hlýða á Guðs orð. Þá sá hann tvo báta við vatnið en fiskimennirnir voru [...]
Biblíulestur 16. júlí – Slm 148
Hallelúja. Lofið Drottin af himnum, lofið hann á hæðum, lofið hann, allir englar hans, lofið hann, allir herskarar hans. Lofið hann, sól og tungl, lofið hann, allar lýsandi stjörnur, lofið [...]
Biblíulestur 15. júlí – Lúk 10.21–37
Á sömu stundu fylltist Jesús af fagnandi gleði heilags anda og sagði: „Ég vegsama þig, faðir, Drottinn himins og jarðar, að þú hefur hulið þetta spekingum og hyggindamönnum en opinberað [...]