Biblíulestur – 23. apríl – Jóh 8.21–30
Enn sagði Jesús við þá: „Ég fer burt og þér munuð leita mín en þér munuð deyja í synd yðar. Þangað sem ég fer getið þér ekki komist.“
Nú sagði fólkið: „Mun hann ætla að fyrirfara sér fyrst hann segir: Þangað sem ég fer getið þér ekki komist?“
En hann sagði við það: „Þér eruð neðan að, ég er ofan að. Þér eruð af þessum heimi, ég er ekki af þessum heimi. Þess vegna sagði ég yður að þér munduð deyja í syndum yðar. Því ef þér trúið ekki að ég sé sá sem ég er munuð þér deyja í syndum yðar.“
Fólkið spurði hann þá: „Hver ert þú?“ Jesús svaraði því: „Sá sem ég hef sagt yður frá upphafi. Margt hef ég um yður að tala og fyrir margt að dæma. En sá sem sendi mig er sannorður og það sem ég heyrði hjá honum, það tala ég til heimsins.“
Fólkið skildi ekki að hann var að tala við þá um föðurinn. Því sagði Jesús: „Þegar þér hefjið upp Mannssoninn munuð þér skilja að ég er sá sem ég er og að ég geri ekkert einn og sér heldur tala ég það eitt sem faðirinn hefur kennt mér. Og sá sem sendi mig er með mér. Hann hefur ekki látið mig einan því ég geri ætíð það sem honum þóknast.“ Þegar hann mælti þetta fóru margir að trúa á hann.
Biblíulestur 5. júlí – Esk 17.1-10
Örninn, sedrustréð og vínviðurinn 1 Orð Drottins kom til mín: 2 Mannssonur, farðu með gátu fyrir Ísraelsmenn, flyttu þeim líkingu 3 og segðu: Svo segir Drottinn Guð: Stór örn með vítt vænghaf, mikla vængi [...]
Biblíulestur 4. júlí – Esk 16.44-63
44 Sá sem talar um þig í málsháttum hlýtur að segja: „Mær er jafnan móður lík.“ 45 Þú ert dóttir móður þinnar sem hafði andstyggð á eiginmanni sínum og börnum og þú ert [...]
Biblíulestur 3. júlí – Esk 16.21-43
21 Þurftir þú líka að slátra sonum þínum og færa þá skurðgoðunum að fórn með því að láta þá ganga í gegnum eld? 22 En í öllum ódæðisverkum þínum og hórdómi minntist þú [...]
Biblíulestur 2. júlí – Esk 16.1-20
Ótrú eiginkona 1 Orð Drottins kom til mín: 2 Mannssonur, leiddu Jerúsalem andstyggilega breytni hennar fyrir sjónir 3 og segðu: Svo segir Drottinn Guð við Jerúsalem: Þú átt ætt og uppruna í landi Kanverja. [...]
Biblíulestur 1. júlí – Lk 5.1-11
Fiskidráttur Péturs 1 Nú bar svo til að Jesús stóð við Genesaretvatn og mannfjöldinn þrengdist að honum til að hlýða á Guðs orð. 2 Þá sá hann tvo báta við [...]
Biblíulestur 30. júní – Okv 18.1-14
1Sérlyndur maður fer að eigin geðþótta og hafnar hverju hollráði. 2Heimskinginn keppir ekki að hyggindum heldur að gera skoðanir sínar kunnar. 3Komi illmennið kemur háðungin einnig og smáninni fylgir skömm. [...]