Biblíulestur 18. mars – Hlj 2.18–22
Hrópa hátt til Drottins,
þú mærin, dóttir Síonar.
Lát tárin renna eins og læk
dag og nótt,
unn þér engrar hvíldar,
lát auga þitt ekki hvílast.
Rís á fætur! Kveina um nætur
við upphaf hverrar vöku.
Úthell hjarta þínu eins og vatni
frammi fyrir augliti Drottins,
fórna höndum til hans
fyrir lífi barna þinna
sem hníga niður magnþrota af hungri
á öllum gatnamótum.
Sjá, Drottinn, og hygg að
hvern þú hefur leikið þannig.
Eiga konur að eta afkvæmi sín,
börnin sem þær bera á örmum?
Á að myrða presta og spámenn
í helgidómi Drottins?
Ungir og aldnir
liggja vegnir á strætunum,
sveinar og öldungar.
Meyjar mínar og æskumenn
féllu fyrir sverði.
Þú réðst þeim bana á reiðidegi þínum,
slátraðir vægðarlaust.
Eins og þú kvaddir til hátíða
stefndir þú ógnum að mér hvaðanæva.
Enginn komst undan og lifði af
á reiðidegi Drottins.
Þá sem ég bar á örmum og ól önn fyrir
hefur óvinur minn afmáð.
Biblíulestur – 4. ágúst – 1Jóh 3.7–24
Börnin mín, látið engan villa ykkur. Sá sem iðkar réttlætið er réttlátur eins og Kristur er réttlátur. Hver sem syndgar heyrir djöflinum til því að djöfullinn hefur syndgað frá upphafi. [...]
Biblíulestur – 3. ágúst – Mrk 8.1–9
Um þessar mundir bar enn svo við að mikill mannfjöldi var saman kominn og hafði ekkert til matar. Jesús kallar þá til sín lærisveinana og segir við þá: „Ég kenni [...]
Biblíulestur – 2. ágúst – Slm 104.19–35
Þú gerðir tunglið, sem ákvarðar tíðirnar, og sólina sem veit hvenær hún á að ganga til viðar. Þú sendir myrkrið, þá verður nótt og öll skógardýrin fara á stjá. Ljónin [...]
Biblíulestur – 1. ágúst – 1Jóh 2.22–3.6
Hver er lygari ef ekki sá sem neitar að Jesús sé Kristur? Sá er andkristurinn sem afneitar föðurnum og syninum. Hver sem afneitar syninum hefur ekki heldur fundið föðurinn. Sá [...]
Biblíulestur – 31. júlí – 1Jóh 2.7–21
Þið elskuðu, það er ekki nýtt boðorð sem ég rita ykkur, heldur gamalt boðorð sem þið hafið haft frá upphafi. Hið gamla boðorð er orðið sem þið heyrðuð. Eigi að [...]
Biblíulestur – 30. júlí – 1Jóh 1.1–2.6
Efni vort er það sem var frá upphafi, það sem við höfum heyrt, það sem við höfum séð með augunum, það sem við horfðum á og hendurnar þreifuðu á, það [...]