Biblíulestur 3. janúar – Slm 111.1–10
Hallelúja.
Ég vil lofa Drottin af öllu hjarta
í félagi og söfnuði réttvísra.
Mikil eru verk Drottins,
verð íhugunar öllum er hafa unun af þeim.
Tign og vegsemd eru verk hans
og réttlæti hans stendur stöðugt að eilífu.
Hann hefur látið minnast dásemdarverka sinna,
náðugur og miskunnsamur er Drottinn,
hann gaf þeim fæðu er óttast hann,
minnist sáttmála síns ævinlega.
Hann kunngjörði þjóð sinni mátt verka sinna
með því að gefa henni erfðahlut annarra þjóða.
Hann er trúr og réttlátur í öllum verkum sínum,
öll fyrirmæli hans eru áreiðanleg,
standa óhagganleg um aldur og ævi,
framkvæmd í trúfesti og réttvísi.
Hann sendi lausn lýð sínum,
setti sáttmála sinn að eilífu,
heilagt og óttalegt er nafn hans.
Að óttast Drottin er upphaf speki,
þeir vaxa að viti sem hlýða boðum hans.
Lofstír hans stendur um eilífð.
Biblíulestur 28. maí – Post 9.36–43
Í Joppe var lærisveinn, kona að nafni Tabíþa, á grísku Dorkas. Hún var mjög góðgerðasöm og örlát við snauða. En á þeim dögum tók hún sótt og andaðist. Var hún [...]
Biblíulestur 27. maí – Post 8.26–39
En engill Drottins mælti til Filippusar: „Statt upp og gakk suður á veginn sem liggur ofan frá Jerúsalem til Gasa.“ Þar er óbyggð. Hann hlýddi og fór. Þá bar að [...]
Biblíulestur 26. maí – Matt 11.25–27
Á þeim tíma tók Jesús svo til orða: „Ég vegsama þig, faðir, Drottinn himins og jarðar, að þú hefur hulið þetta spekingum og hyggindamönnum en opinberað það smælingjum. Já, faðir, [...]
Biblíulestur 25. maí – Okv 18.1–14
Sérlyndur maður fer að eigin geðþótta og hafnar hverju hollráði. Heimskinginn keppir ekki að hyggindum heldur að gera skoðanir sínar kunnar. Komi illmennið kemur háðungin einnig og smáninni fylgir skömm. [...]
Biblíulestur 24. maí – Mrk 6.1–13
Þaðan fór Jesús og kom í ættborg sína og lærisveinar hans fylgdu honum. Þegar hvíldardagur var kominn tók hann að kenna í samkundunni. Fjöldinn sem á hlýddi undraðist stórum. Menn [...]
Biblíulestur 23. maí – Opb 3.14–22
Engli safnaðarins í Laódíkeu skaltu rita: Þetta segir hann sem er amen, votturinn trúi og sanni, upphaf sköpunar Guðs. Ég þekki verkin þín, þú ert hvorki kaldur né heitur. Betur [...]