Biblíulestur 7. júlí – Ób 1.15–21
Dagur Drottins
vofir yfir öllum þjóðum.
Eins og þú breyttir við aðra,
þannig verður breytt við þig.
Verk þín munu koma sjálfum þér í koll.
Eins og þér drukkuð
á helgu fjalli mínu,
þannig munu allar þjóðir ævinlega drekka.
Þær munu drekka og drekka stórum
og verða eins og þær hefðu aldrei verið til.
En á Síonarfjalli munu menn komast af
og það skal verða heilagt
og Jakobsniðjar munu endurheimta eigur sínar.
Ætt Jakobs verður sem eldur
og ætt Jósefs sem bál
en ætt Esaú verður að hálmi.
Þeir munu kveikja í honum og eyða
og enginn mun undan komast af niðjum Esaú
því að svo hefur Drottinn mælt.
Sunnlendingar munu fá fjall Esaú til eignar
og íbúar vesturhlíðanna Filisteu.
Og þeir munu eignast Efraímsland og Samaríuhérað
en Benjamín Gíleað.
Brottfluttir hermenn Ísraels
munu taka lönd Kanverja til eignar
allt til Sarefta
og útlagarnir frá Jerúsalem,
sem dveljast í Sefarad,
munu eignast borgir Suðurlandsins.
Sem bjargvættir munu þeir halda
upp til Síonarfjalls
og dæma þaðan fjall Esaú
og Drottinn hlýtur konungdæmið.
Biblíulestur 4. mars – Opb 19.17–20.3
Og ég sá einn engil standa inni í sólinni. Hann hrópaði hárri röddu til allra fuglanna sem flugu um himinhvolfið: „Komið, safnist saman til hinnar miklu máltíðar Guðs til þess [...]
Biblíulestur – Öskudagur 5. mars – Matt 6.16–21
Þegar þér fastið þá verið ekki döpur í bragði eins og hræsnarar. Þeir afmynda andlit sín svo að engum dyljist að þeir fasta. Sannlega segi ég yður, þeir hafa tekið [...]
Biblíulestur 3. mars – Opb 19.6–16
Og ég heyrði raddir sem frá miklum mannfjölda og sem nið margra vatna og sem gný frá sterkum þrumum. Þær sögðu: „Hallelúja, Drottinn Guð vor, hinn alvaldi, er konungur orðinn. [...]
Biblíulestur – 4. mars – Jóh 3.22–36
Eftir þetta fóru Jesús og lærisveinar hans út í Júdeuhérað. Þar dvaldist hann með þeim og skírði. Jóhannes var líka að skíra í Aínon nálægt Salím en þar var mikið [...]
Biblíulestur 2. mars – Opb 18.21–19.5
Sterkur engill tók upp stein, eins og mikinn kvarnarstein, kastaði í hafið og sagði: „Svo voveiflega mun Babýlon kollvarpast, borgin mikla, svo að engar menjar skulu eftir verða. Og hörpusláttur [...]
Biblíulestur – 3. mars – Jóh 3.1–21
Maður hét Nikódemus, af flokki farísea, og átti sæti í öldungaráði Gyðinga. Hann kom til Jesú um nótt og sagði við hann: „Rabbí, við vitum að þú ert lærifaðir kominn [...]