Sálmarnir 98. kafli2017-11-18T20:19:15+00:00
Sálmarnir 98. kafli

1Sálmur. Syngið Drottni nýjan söng, því að hann hefir gjört dásemdarverk, hægri hönd hans hjálpaði honum og hans heilagi armleggur.2Drottinn hefir kunngjört hjálpræði sitt, fyrir augum þjóðanna opinberaði hann réttlæti sitt.3Hann minntist miskunnar sinnar við Jakob og trúfesti sinnar við Ísraels ætt. Öll endimörk jarðar sáu hjálpræði Guðs vors.4Látið gleðióp gjalla fyrir Drottni, öll lönd, hefjið gleðisöng, æpið fagnaðaróp og lofsyngið.5Leikið fyrir Drottni á gígju, á gígju með lofsöngshljómi,6með lúðrum og básúnuhljómi, látið gleðióp gjalla fyrir konunginum Drottni.7Hafið drynji og allt sem í því er, heimurinn og þeir sem í honum lifa.8Fljótin skulu klappa lof í lófa, fjöllin fagna öll saman9fyrir Drottni sem kemur til að dæma jörðina. Hann dæmir heiminn með réttlæti og þjóðirnar með réttvísi.

98.1 Nýr söngur Slm 33.3+ – dásemdarverk Slm 86.10; 2Mós 34.10, Lúk 1.49 – hægri hönd hans Slm 17.7+ – armleggur hans Jes 59.16, 63.5
98.2 Kunngerði hjálpræði sitt Slm 67.3; Jes 49.6; Lúk 2.30-32
98.3 Miskunn og trúfesti Slm 25.10+ – við Ísrael Lúk 1.54 – öll endimörk jarðar Jes 52.10; Lúk 3.6
98.4 Gjörvallt jarðríki fagni Slm 66.1; 100.1
98.5 Leikið fyrir Drottni Slm 147.7+
98.6 Drottinn er konungur Slm 47.3,7-9: 93.1
98.7 Hafið drynji Slm 96.11
98.9 Drottinn ríkir yfir jörðinni Slm 67.5; 96.13 – með réttlæti Slm 9.9+ ; sbr Post 17.31 – þjóðunum með réttvísi Slm 96.10
Hægt er að nálgast texta þessa kafla í öðrum íslenskum þýðingum með því að smella á nafn þýðingarinnar hér fyrir neðan. Þýðingin opnast í nýjum glugga.