Hið íslenska biblíufélag býður þér að vera „Bakhjarl Biblíunnar“

Við leitum til dyggra félagsmanna okkar og velunnara um að koma í hóp rúmlega 300 Bakhjarla Biblíunnar sem styðja starfsemi Biblíufélagsins með mánaðarlegu framlagi. Má bjóða þér að hjálpa til og gerast bakhjarl Biblíunnar á Íslandi?

Við hjá Biblíufélaginu höfum ástríðu fyrir því að sjálf bók bókanna, Biblían, verði ekki skilin eftir í upplýsingabyltingunni. Við höfum hafist handa við að gera Biblíuna á íslensku aðgengilega sem allra víðast, og á hvers kyns nýjum miðlum. Því fólk er ekki alltaf með Biblíuna í vasanum, en það er flest með síma í vasanum.

Biblíufélagið vill auka aðgengi Biblíunnar á nýjum miðlum enn frekar. Við höfum í samstarfi við aðra útbúið Biblíuefni fyrir börn á snjalltækjum, gert Biblíuna aðgengilega á öppum, nýtt hljóðbók Biblíunnar sem hljóðrás í kvikmyndaútgáfu að Markúsar- og Lúkasarguðspjalli og komið hljóðbókinni á framfæri á öllum helstu hljóðbókarveitum. En það er enn verk óunnin og fleiri leiðir færar til að færa Biblíuna þangað sem fólkið er. Við þurfum á þínum stuðningi að halda.

Með því að fylla út upplýsingar hér fyrir ofan skráir þú þig fyrir mánaðarlegum raðgreiðslum til stuðnings Biblíufélaginu. Ef þú þarft að breyta eða hætta stuðningi af einhverjum ástæðum, er auðvelt að senda tölvupóst á hib@biblian.is og við munum þá snarlega fella niður mánaðarlega skuldfærslu. [Nánari skilmálar!]