Biblíulestur 9. október – Slm 123 og Slm 124

2020-11-30T16:29:55+00:00Laugardagur 9. október 2021|

Sálmur 123

1 Helgigönguljóð.
Til þín hef ég augu mín,
þú sem situr á himnum.
2Eins og þjónar mæna á hönd húsbænda sinna
og eins og þerna mænir á hönd húsmóður sinnar
horfa augu vor til Drottins Guðs vors
uns hann líknar oss.
3Líkna oss, Drottinn, líkna oss
því að vér höfum fengið meira en nóg af spotti,
4vér höfum fengið meira en nóg af háði hrokafullra,
af spotti dramblátra.

Sálmur 124

1 Helgigönguljóð. Eftir Davíð.
Ef Drottinn hefði ekki verið með oss,
– skal Ísrael segja –
2hefði Drottinn ekki verið með oss
þegar menn risu í móti oss
3hefðu þeir gleypt oss lifandi
þegar heift þeirra bálaðist gegn oss.
4Þá hefðu vötnin streymt yfir oss,
elfur flætt yfir oss,
5þá hefði beljandi vatnsflaumur
gengið yfir oss.
6Lofaður sé Drottinn
er ofurseldi oss ekki
tönnum þeirra að bráð.
7Lífi voru var bjargað
eins og fugli úr snöru fuglarans.
Snaran brast og vér björguðumst.
8Hjálp vor er í nafni Drottins,
skapara himins og jarðar.

Title

Fara efst