Forsíða2018-01-28T05:16:36+00:00

Unnið er að gerð fræðsluvefs fyrir Hið íslenska biblíufélag. Vefurinn inniheldur nú þegar almennar upplýsingar um Biblíuna ásamt áhugaverðum upplýsingum um samspil listar og biblíuhefðar.

Þá er stefnt að því að hafa á vefnum fræðsluefni um Biblíuna sem getur nýst við kennslu fyrir unga og aldna.

Inngangur að Prédikaranum

Prédikarinn telst til spekirita Gamla testamentisins en er þó að mörgu leyti óháð hinni hefðbundnu spekistefnu og dregur í efa fjölmargar niðurstöður hennar. Raunar er efinn áberandi einkenni á boðskap Prédikarans. Prédikarinn hefur að ýmsu leyti sérstöðu meðal rita Gamla testamentisins. Hann hefur að geyma íhuganir, vangaveltur og spakmæli af ýmsu tagi. Bölsýni Prédikarans er óneitanlega í mótsögn við ríkjandi viðhorf í Gamla testamentinu, bæði hefðbundna guðfræði Gamla testamentisins og guðfræði annarra spekirita sem yfirleitt eru bjartsýnni. Boðskapur Pré-dikarans er mjög fjölbreytilegur og örðugt að koma auga á rauða þráðinn í ritinu. Efnislega er einkum fjallað um fánýti lífsins. Að formi til er ritið nær eingöngu í 1. persónu. Ritið er ein af hátíðar-bókum Gyðinga og er það lesið á laufskálahátíðinni, þegar fölvi haustsins færist yfir, og boðar fallvelti lífsins. Skipting ritsins 1.1–2.26 Allt er hégómi 3.1–11.7 Ýmiss konar ummæli um lífið 11.8–12.8 Ýmis ráð 12.9–12.14 Niðurlag

By |Föstudagur 1. desember 2017|Categories: Inngangur, Prédikarinn|Tags: |0 Comments

Inngangur að biblíuritum