Bók Óbadía er styst af öllum ritum Gamla testamentisins. Efni hennar tengist falli Jerúsalemborgar 586 f.Kr. þegar Edómítar, fornir fjandmenn Ísraelsmanna en jafnframt frændur, fögnuðu falli borgarinnar og notfærðu sér neyð íbúanna, rændu borgina og rupluðu á neyðardegi hennar. Óbadía segir fyrir um fall Edóms og rit hans greinir sig frá öðrum spámannaritum að því leyti að það er því sem næst samfelld ádeila á eina erlenda þjóð.
Skipting ritsins
1.–16. vers Eyðing Edómíta
17.–21. vers Sigur Ísraels