Altarisbiblían (harðspjalda – rauð) – 24×32 sm

Lýsing

Altarisbiblían er í mjög stóru broti og kemur í tveimur útgáfum. Ódýrari útgáfan er þessi hér og er með hefðbundna dumbrauða (burgundy) bókakápu og ekki með gyllingu á blaðsíðuendum. Bókin er hönnuð með það í huga að vera notuð í helgihaldi safnaða og er því með stórum og læsilegum texta, en jafnframt létt miðað við stærð. Biblían hefur fjóra lesborða og kemur út í mjög takmörkuðu upplagi.

Biblían skiptist í tvo aðalhluta, Gamla testamentið og Nýja testamentið. Í Gamla testamentinu eru 39 rit sem urðu til á mörgum öldum, en sumt af efni þeirra varðveittist í munnlegri geymd áður en það var fært í letur. Gamla testamentið rekur sögu Gyðingaþjóðarinnar og greinir frá trú hennar og menningu, en varpar jafnframt ljósi á sögu annarra fornra menningarþjóða í Mið-Austurlöndum. Þessi útgáfa Biblíunnar inniheldur einnig 11 viðbótarrit, svokallaðar apókrýfar bækur Gamla testamentisins, sem hafa tilheyrt helgisafni kristinna manna frá upphafi kristni.

Í Nýja testamentinu eru 27 bækur, sem hafa að geyma sögur af Jesú sagðar af lærisveinum hans, þ.e. guðspjöllin, en hið elsta þeirra er talið ritað um 80 e. Kr. Auk þess inniheldur Nýja testamentið bréf postulanna til kristinna safnaða víðsvegar í rómverska ríkinu og er hið elsta þeirra ritað um 56 e. Kr.

Biblían er 1028 síður.

Hið íslenska Biblíufélag gaf þessa Biblíu út 2023.