Inngangur að Rutarbók

Rutarbók er meðal þeirra fimm rita sem lesin voru á vissum hátíðum í samkunduhúsum Gyðinga (Rutarbók, Ljóðaljóðin, Prédikar-inn, Harmljóðin og Esterarbók). Í útgáfum Biblíunnar telst Rutarbók til sögurita og kemur á eftir Dómarabókinni, væntanlega vegna tímaákvörðunarinnar í upphafi bókarinnar. Hún er sögð gerast á stjórnartíð dómaranna (1.1) og segir frá móabískri stúlku, Rut, og trúfesti hennar við tengdamóður sína. Rut giftist inn í fjölskyldu frá Betlehem í Júda og varð að lokum ættmóðir Davíðs konungs. Baksvið sögunnar er öryggisleysi útlendings án jarðnæðis. Naomí óskar tengdadætrum sínum öruggrar afkomu og verður að ósk sinni þegar Rut eignast nýjan eiginmann („lausnarmann“) og hlýtur þar með öryggi og heimili.

Skipting ritsins

1.1–1.22 Naomí og Rut halda til Betlehem
2.1–3.18 Rut hittir Bóas
4.1–4.22 Bóas kvænist Rut. Ættartala Davíðs

 

2018-01-08T21:34:30+00:00 Föstudagur 1. desember 2017|Inngangur, Rutarbók|