Inngangur að Fílemonsbréfi

Fílemonsbréfið er einkabréf frá Páli til Fílemons vegna strokuþrælsins Onesímusar sem tekið hafði kristna trú og verið samverkamaður Páls (sbr. Kól 4.9). Páll biður Fílemon að taka við Onesímusi aftur sem kristnum bróður. Þótt bréfið sé ekki langt, aðeins 25 vers, veitir það betri innsýn í eðli og alvöru kristins samfélags en flestar aðrar heimildir frá frumkristni. Þar kemur fram hvernig frumkirkjan leitaðist við að líta á hvern einstakling sem nýja sköpun í Kristi en ekki út frá þjóðerni, kynferði eða þjóðfélagsstöðu (sbr. Gal 3.28; Kól 3.11).

2018-01-06T05:57:07+00:00Föstudagur 1. desember 2017|Fílemonsbréf, Inngangur|