Afmælishátíð biblíufélagsins í Noregi

2017-12-15T23:52:11+00:00 Fimmtudagur 26. maí 2016|

200 ára afmælishátíð norska biblíufélagsins hófst í dag með hátíðlegri dagskrá í Dómkirkjunni i Oslo. Þar var meðal annars flutt verk sem samið hefur verið í tilefni afmælisins um spámanninn Elía. Var þar bæði leiklestur og tónlistarflutningur. „Í stormi og kyrrð, frásögur af Elía“ er heiti verksins og spilað á fagott, blokkflautu og gítar.
Yfirskrift afmælisársins er Biblía fyrir alla og norska biblíufélagið vill nota afmælisárið til að kynna Biblíuna enn betur fyrir fólki. Gefin hefur verið út sérstök afmælisbiblía í tilefni hátíðahaldanna.

Í kvöld verða lofgjörðartónleikar í Dómkirkjunni og einnig verður boðið upp  á Biblíumaraþon þar sem ákveðnir kaflar Biblíunnar verða lesnir upphátt.

Alla helgina verður boðið upp á fjölbreytta dagskrá þar sem allir ættu að geta fundið eitthvað við sitt hæfi.  Íslendingum í Oslo er sérstaklega bent á að kynna sér dagskrá hátíðarinnar á heimasíðu norska biblíufélagsins, http://www.bibel.no/